ساويرس إخوان ( صرخة نمل سليمان )

ساويرس إخوان ( صرخة نمل سليمان )

بقلم .. مصطفي كمال الامير
انا وإخوان ساويرس بقينا جيران
علي النيل يا مصر في رملة بولاق سكان
واقفة تشوف شمس بكرة علي أرضها من زمان
عطشانة والنيل قدامها بيجري بس حيران
ما بين سد إثيوبيا وملاعب الجولف خلصان
ضاع خيرك يا مصر بين "غربان بذقن"
وبين بدل شيك لابسها إنسان اقرب الي الجاًن
كذبوا وقالوا علينا دول شوية من نمل سليمان
واحنا بشر أحرار مصريين ولاد بلد جدعان
بنت مصر الأصيلة عندها ديش كله بالألوان
وناشرة غسيلها نظيف كمان
وهو بغسيل ماله الوسخ فوق برجه العالي
واقف عامل فيها قارون وعنتر وبهلوان
النذل بشتري جزيرة لأهل سوريا في اليونان
وسايب جيرانه ولاد بلده عايشين الفقر كما الفئران
كله في الآخر علي أصله يبان
المستور والمستخبي والظاهر كمان
اظهر وبان يا حق وعليك الأمان
بعدما ما يقوم الطوفان بدون سفينة نوح
كل من ظلم أكيد في أمواجه غرقان
بقوة السلطان وبأمر الله الرحمن
وتعود كرامة شباب ثورتنا شهداء الميدان
تحكم وتؤمر وتعدل الميزان
شارك هذا المحتوى فى
المشاهدات : 85 عدد التعليقات : 0 أضيف فى : 17/12/2016

إرسال تعليق

دخول برمجة :