حسن غريب يكتب ..سؤال الذات ..مسكنات الوجع

حسن غريب يكتب ..سؤال الذات ..مسكنات الوجع

بقلم حسن غريب روائي ناقد

" حلول مؤقته " انا كنت فاكر لما اشتغل هتبسط ؟ بس اشتغلت و اتبسطت شويه و بعدين رجعت لحالي القديم تاني ، نفس الضيق و الملل . انا كنت فاكر لما اتجوز هتبسط ؟ بس اتجوزت و اتبسطت شويه و رجعت لحالي القديم تاني ، نفس الضيق و الملل . انا كنت فاكر لما اوصل للحلم ده هتبسط ؟ و وصلت و اتبسطت شويه و رجعت لحالي القديم تاني ، نفس الضيق و الملل . = الفكره كلها ، انك بتدور على حلول مؤقته زي مُسكنات علشان متحلش السبب الرئيسي في الخواء الروحي ال جواك ، الحل مش في الحل ال في بالك ، الحل فيك انت الاول ، قلبك ! ، البعد عن سكة ربنا ، البعد القلبي ، بيخليك دايماً عطشان من جواك لحاجه مش عارف ايه هي ، اصل اللذه في القرب من الله ربنا جعلها ليها الحظ الاكبر من اي لذه تانيه ، فـ بتحس دايماً ان في حاجه كبيره نقصاك مش فاهم هي ايه ، فـ اعرف ان كل حل انت مُتخيل انه بيريح هو حل مؤقت ، هتتبسط بيه شويه ، و بعدين تتعود عليه و تزهق منه و تدور ع حل غيره و تفضل دايخ مش لاقي الحاجه ال نقصاك دي و انت مش فاهم ايه هي ؟ ، القرب من الله عز وجل و السجود بين ايديه و ذكرهُ و شكرهُ و الشعور بمعيته و عظمته و قوته و قدرته و كرمه و قربهُ و قد ايه كل شئ صغير جمب " الله اكبر " كل الاحسايس دي بتخلي حالة امان عجيبه في قلبك ، تلاقي الفراغ ال جواك راح ، و تلاقي نفسك بتبص للارزاق مش بعين انها " حل " تجيب السعاده ، لا انت بتبص لها " كإضافه " للسعاده ، السعاده اصلا جواك بالله ، و كل ما سوى الله هو اضافه فقط للسعاده ، الحل ده حل جذري لقلبك ، و اعرف ان من وجد الله وجد كل شئ و من فقد الله ، فقد كل شئ .
شارك هذا المحتوى فى
المشاهدات : 116 عدد التعليقات : 0 أضيف فى : 22/12/2016

إرسال تعليق

دخول برمجة :