جنة الدنيا ..بقلم محمود الحوامدي‏

جنة الدنيا ..بقلم محمود الحوامدي‏



يا جنة فوق جنة
بحنانك اتحنة
لرضاكي باتمنة
يا عشق متغنة
يا نهر من طيبة
بدموعك اتوضة
والقلب من هيبة
بالدهب والفضة
يا زهرة البستان
يا ضي كل مكان
يا تاج لكل زمان
بالشكر والعرفان
يابحر شطهُ حنان
ف بحرك انا غرقان
دا مهما موجك كان
الحضن فيكي امان
يا نور علي نور
يا غنوة العصفور
يا أجمل نساء الحور
حبك في قلبي بحور
يا وطن جوه وطن
أنا قلبي فيكي اتسجن
واتمني يموت مسجون
واتمني يموت مسجون
دا السجن فيكي حياة
وعشقك لقلبي بحُبك دواه
يا رافعة ايديكي في كل صلاة
دعاكي ليا مراكب نجاة
انتي ليا اجمل هدية
واغلا حاجه في القلب عندي
يا ام قلب مليان حنية
انا في حبك عشت جندي
قالوا عني اني عاشق
وانتي عارفة عشقي مين
ومستعد اطلع قلبي
وقدمهولك بكفي اليمين
يا شايلا همومي
من وانا لسة جنين
يا ساكنة افراحي
وساكنة الأنين
رسمتك في قلبي
بلون الحنين
وهفضل احبك
لاخر السنين
شارك هذا المحتوى فى
المشاهدات : 72 عدد التعليقات : 0 أضيف فى : 5/1/2017

إرسال تعليق

دخول برمجة :