يا ريت تيجي يا عم سعيد

يا ريت تيجي يا عم سعيد

شعر د. ابوزيد بيومي

و حبة حزن مركونة
في بيت أبيض
و بلكونة
بترمي نظرتين لبعيد
يا ريت تيجي يا عم سعيد
و فينك ... زادت الغيبة
و فين أسئلتك الحلوة
عن الصحة
عن الأحوال
عن البال اللي كان خالي
عن الناس اللي كانت صافية
كالمطرة
و كلمة حمد زي رغيف
بيتسوى في فرن القلب
ع الفطرة
ف نملا بيه شوال العين
و تنطق بالصلا ع الزين
فتنزل باردة ع النعمة
يبارك ربنا ويزيد
يا ريت تيجي يا عم سعيد
يا ريت تيجي يا عم سعيد
شارك هذا المحتوى فى
المشاهدات : 49 عدد التعليقات : 0 أضيف فى : 7/1/2017

إرسال تعليق

دخول برمجة :