آه منك يا وَلَه 🎶
كلمات د.بكرى دردير
آه منك يا وَلَهْ،
ده إنتَ واخدني في غرامك وَلَّهْ!
عَطشان؟ أَسْقِيك وأَرَوِّيك،
بَرْدان؟ أَضُمَّك وأَدَفِّيك.
تِتْعَب؟ أَنَا أَدَاوِيك،
تِزْعَل؟ أَنَا أَرَاضِيك،
تِقول كلمة؟ أَنَا لَبِّيك،
وأِدَلَّع فيك وأَهَنِّيـك.
كلامي ليك مَسْمُوع،
مَفِيش عندي فيه مُرْتَجَع،
إنتَ ليك عندي كل الدلع،
وليك قلبي مهما حصل.
آه منك يا وَلَهْ،
يا اللي سَكَنْت القلب واحتلَّهْ،
لو الدنيا يوم تِقسى عليك،
تِلاقيني أول واحدة أداويك،
أضمّك وأطمن عليك،
وأقول للدنيا: محدش يقرب ليك! 🎶
