عاجل

أعيش ازاي – بقلم السيدابوطاحون 

أعيش ازاي *** بقلم السيدابوطاحون
*********
طاير على فين
وسايبني
تفوتني ل مين
وأنا قلبي
طاير وياك
وسايبني

وليه تاخد قرار وحدك
يعذبني
يلخبط كل تكويني
ويرعبني

انا يا سيدي طيرك
وأنا ما اقدرش
من غيرك
أعيش وحدي

انا ربتني
على ايدك
وكنت تقولى
يا قمري
باقمري

قدرت تشوف
قمر غيري
وأنا مالي
قمر غيرك

وعمر عيوني ما عرفت
تشوف غيرك

أعيش ازاى
وقلبي ما عشق غيرك

وصوتي ما عرف
غير لحن موالك
و وردي لما
بيشوفك
يغني لك
هنيالك

ترد انت
اموت فيكي
اموت فيكي

نويت ازاي
تموتني
بدون رحمه

ف ارجوك
قبل ما ترحل
تريحني
بطلقه واحده
في عيوني

وياما قلت
يا عيوني
وبعدي راح
تقولها لمين ؟
يا عيوني
**********
#اعيش_ازاي
#السيدابوطاحون
#الأخنوم

الوسوم

صدى مصر

فريق من المحررين والمراسلين الاخباريين, والمحللين السياسيين مهتمين بالقضايا المصرية والاقليمية وشؤن التعليم.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق