يا ست الحسن
أنا مالي بسفرك وترحالك
لا أنا طيار ولا فارس ولا موالك
تلاعبي الليل وتنسى الكلمة اقولهالك
حتى النجوم تنور
ونورها بيحلالك
فيها جلال وليها دلال وكله مكتوب في أحلامك
حكايتك إيه يا ست الحسن وايه بيجرالك
لما دموعك نزلت فاكره كده وصالك
النسمة تعدي، ولما تشوفك تهدي وصوتها بيسكت فدا جمالك
والكل عارف حكايتك وممكن يقولهالك، كتبتك كلمة في أحلامك وأيامك،
زرعت الورد وسيبتى الشوك يجرح ظلك وبستانك
ولما يجي الشوق يسكن في قلبك تعاندي بهجرك وحرمانك
قوليلنا ازاي نحل اللغز وازاي نجاوب عن نفسك وعن حالك
أنا شاطر يا ست الحسن وأنا قدرك ومكتوبك
بس الروح بتهوى الدوح رغم كل آمالك
أنا حسنك وصاحب حصان ابيض بيعلالك
أنا مكتوب بحروفك وبين خوفك وأفراحك
أنا أيوب دا بحرك هو مجدافك
أنا موسى وساكن جوى سفينتك وبشراعك
يا ست الحسن حكايتك خلصت وموالك
كتبت نهايتك بخوفك وضعغك
نسيتي حروفك في لحظة خداع، بتبكي على الماضي اللي ضاع حتى السطر الأخير
نسجتي خيوطه بأوهامك
نسجتي خيوطه بأوهامك








