العيش والملح
بقلم . شريف أحمد
أجيبلك أيه و أنا جاي ؟
هاتلي مخدة أحُط عليها راسي أنام
هاتلي قلب يزعل بس يصفى قوام
هاتلي ساعة راحة بال .. وحبة فرح ولو بريال
وهات أقفال أقفل بيها باب الحُزن
و هات من الحُب مليون حضن
و هاتلي معاك شوية صبر
و هات للخواطر جبر
هاتلي أمان وضحكة طالعة باطمئنان
أقولك علشان ما تتلغبطش هاتلي العُمر من الأول وهات حبايبنا من تاني وهات الجيرة والصحبة وهات قلب مايسودش وعيون جميلة ماتحسدش وعيش وملح ما يتخانش !
