حوادث وقضاياعاجل

“جنون العقل” تأليف / عبدالحق عبدة

جنون العقل
تأليف / عبدالحق عبده
العقل ماشي في البلد
يصرخ ينادى على اللي كان
شافوه الضمير قالوا الجلد
حكمة وكانت من زمان
أوع يا عقل تسيب مكانك
زمنا أصبح مش أمان
العقل قال كيف يا صحبى
ما فضلش لي من اللي كان
صحبى بيصحى كل يوم
يحسب لي حسبه للمعيشة
لو جابوا والله بنك دولي
يقلب ويحسب بدون هموم
ما يلاقى وياه حل يشفى
صنعت وياه ألف حل
نساني اسمى في الوجود
وبنيت تل من القيود
وخسرتى صارت بدون حدود
الأكل ليه حسبه يا خال
ووليه وشويت عيال
والمال معاه جالو شلل
والبخت ضايع بدون أمل
خايف ليسكن في القمر
يلقى الإيجار غالى كمان
وأن راح يعيش جو الصحارى
البخت وياه والله عالي
يلقى رمال الصحرى غار
يبكى معنا بدون أمل
من كتر ما شكو العيال
ووليه تندب في الطريق
ووجعنا بيبكي الزمن
الهم وياه صار تقيل
وضميرنا باع والله الأمل
بكى الضمير على حصل
وشكى من وجع الزمن
مظلوم يا خال ما لي ذنب
مسجون في طيات الجبال
ودموعي سالت للقمر
والحظ أصبح مؤتمن
ومين يرجعني وأنا
طريد وعايش في الجبال
ببكى على حال العيال
تعالى يا عقل معايه
كفاية والله اللي حصل

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: