الشعر

حبيبى… بقلم فاتن متولى

حبيبى…. بقلم فاتن متولى

الشارع والناس والزحمة
من غيرك
كل الدنيا سراب
ومافيش احباب
غير حضن عنيك
وبلاقى امانى فى كف اديك
من قلبك اشوف
الكون شبابيك
والروح بتروح وتشابى عليك
لو بس تغيب
تتحول كل الزحمه
لشوارع فاضيه
وتبص لكل البنى ادمين
تماثيل..
وبخاف احساسى كأنى طفل رضيع
لساه من غيرك ..
يتوه ويضيع
لكن بوجودك
يتطمن..
وتعود البسمه لرمش عنيه
ويزهزه قلب البنى ادمين
تتحول كل الدنيا ربيع
والشجر اليابس
يفرد فى غصونه ويتمطع
وكأنه بيصحى وبيصحصح
قرص الشمس الكسلان
والورد فى جناينه بيزهر الوان
اصفر وأخضر واحمر ياسلام
الدنيا صبحت انغام
وحياتى بلتة
وروحى فرشة الوان
أما حبيبى حقيقى بجد بجد.
دا اعظم رسام…

الوسوم

أمنية عزمى

أهلًا بك عزيزي القارئ .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق