الشعر

“رسالة الى مصر ” تأليف / عبدالحق عبده

رسالة الى مصر 
تأليف / عبدالحق عبده
ليه بنبنى القصر عالي
والخيال فينا أماني
جهلنا في الكون يا غالى
صار حكاية في زماني
بعد ما كنا حضارة
في الزمن رفعين منارة
كل شيء فينا بيجرح
والعدو أصبح بيفرح
وحلنا يصعب على الحيارة
مجدنا أصبح رواية
في القصص صارت حكاية
بعد ما كنا أسود
حلنا يصعب على القرود
صارنا ناكل بالدولار
كل شيء بنجيبه منهم
من الإبر حتى السجار
أمتى نزرع في الصحارى
وأحنا كنا مجد عالي
قمحنا في الكون عمار
كنا فيه باقتدار
أذكروا عهد يوسف
النبي في المجد غالى
يوم عجاف المصريين
شوف بيبنى في الغلال
والصوامع في الجبال
قمحنا يغنى اللي كان
جينا نزرع في الصحارى
جابوا جرافات عظام
حولتها صحارى تانى
وسألنا على اللي كان
ليه بتقضوا على العمار
ليه تعود الصحارى تانى
قالوا مال الدولة غالى
المدينة صناعية من الجنوب
وي الشمال
قلت والله نكته تفرح
الجنون في القلب يشرح
بعد ما صارت عمار
أنتوا ليه بتخربوها
نبنيها ليه بتهدموها
نزرعها ليه بتقلعوها
ورجعت الدنيا صفار
قلت جهل وصار حكاية
الصحرة واسعة يا زناية
أحنا بنبنى في البداية
وأنتوا ليه تدمروها
مين حنزرع في الصحارى
وبعدما تكبر يا غالى
في ثواني تكسروها
والحكاية تكون جنون
هي دي أصل الحكاية
اللي بيبنيه ف سنين
في ثواني تدمروها
مجدنا غالى علينا
أوعوا في الدنيا تسبوها
اللي بيعشق بلدنا
بكرة فيها يعمروها
واللي حيخرب بلدنا
لازم بكرة يسبوها
مصر عظيمة برجالها
اللي بالمجد بنوها

الوسوم

أميرة بكرى

أهلًا بك عزيزي القارئ .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: