الشعر

“ضريبة الميت ” تأليف / عبدالحق عبده

ضريبة الميت 
تأليف / عبدالحق عبده
ميت وماشي بالكفن
يحسب ويقلب ومين يغيت
قالوا له أقف يا زمن
فين الضرايب يا لائم
سايبنا ليه يا محترم
الراحة بعد الموت حرام
اللي حيدفع القبر ليه
واللي حيهرب للجحيم
النعش يصرخ فين الضمير
القبر فيه نور ومية
ولا فرشته للعويل
هو الحساب دنيا وأخرة
ولا الوجع أصبح عظيم
يا رب منك ألف رحمة
هو موته ولا خراب الديار
بدفع ضرايب علشان أعيش
وموتى يصبح هم كمان
النعش من كتر البكئ
رجع ينادى على الغلابة
جوى حياتكم ألف غابة
وساعة الممات تعوى الديابة
والكل يصرخ ومين يغيث
دي الموت أصبح ليه تمن
وحياتنا ضايعه في الزمن
والنعش ماشي مع الكفن
يصرخ على ضياع الأمل
ميت أنا ومين يجير
يدفع تراخيص الزمن
القبر ليه مبلغ يا خال
واللي بيدفن ليه كمان
واللي يصرح للعيال
هي موته ولا خراب ديار
يا مؤمنين قولوا كلام
ولا دي موتكم في اللسان
دي خسارة والله يا مؤمنين
أدفع ضرايب وأستقيم
واوع تموت يا أبن الأيم
سايب ميراثك قولي كام
منه حتدفع العيال
وأنت على أقرب جحيم
في الدنيا عشت النار حقيقة
خدت عليها بدون ألم
في الأخرة ليك رب رحيم
في الجنة تدخل بدون عمل
أن كنت صابر على اللي كان
الجنة ليك يا مؤتمن
لازم تدفع التمن
الجنة غاليه يا مؤمنين
الصبر في الدنيا عظيم
القبر حيكلفنا كام
طريق مرصوف كمان
ونور علشان العيال
ومية تسقى للشجر
عاوز تموت بدون حساب
وتترك عيالك للصعاب
أن كنت عاوز ترتاح يا خال
والقبر يصبح روضة جمال
أدفع ضريبة للي جاي
تموت وأنت راضي يا خال

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: