قصص

“عهد_العاشقين ” بقلم.. نور محمد..

عهد_العاشقين

بقلم.. نور محمد.. الحلقه ال 3

الاء بكسوف.. الو

ريان ساكت.. هو عارف نبره الصوت دي مش غريبه عليه.. الو

الاء بكسوف اكتر.. انا شوفت اعلان الشغل وكنت عايزه اعرف مفيش فرع ف القاهره

ريان.. لا لاسف ولو انتي من القاهره ف سكن للمغتربين الاقامه علينا بلاكل بلموصلات ومعاكي بنات متخافيش

الاء محرجه اول مره تكلم شاب ف التليفون.. المرتب كام وطبيعه الشغل

ريان.. المرتب 2000 وهتبقي سكرتيره استقبال عملاء

الاء.. والاجازه

ريان.. بتشتغلي شهرين وبتنزلي اجازه شهر

الاء.. تمام هكلم بابا وارد ع حضرتك

ريان .. منين م القاهره

الاء.. من الحسين
بعد اذن حضرتك هقفل ولو في نصيب هكلمك تاني

ريان.. اكيد

الاء ف بالها.. هو انا حاسة احساس غريب ليه حساه مش عايز يقفل

الاء.. ان شاء االله.. السلام عليكم

ريان.. وعليكم السلام
وقفل

ريان.. ليه حاسس اني اعرفها صوتها مريح
فيها حاجه غريبه

وصفولي الصبر.. لقيته خيال.. وكلام في الحب
كلام ف الحب يادوب يتقال

سرحت شجن مع المقطع ده لمس قلبها اوي

شجن.. الصبر عجز عن صبري يارب انا املي فيك كبير

فتحت الفيس بتقلب في لقت اعلان مطلوب سكرتيره حسنه المظهر ولا يشترط مؤهل ولا خبره وفي سكن للمغتربين

شجن بنص فرحه.. ايه ده يعني ممكن امشي من هنا اروح مكان بعيد عن بيت الرعب ده

خدت شجن الرقم وبتتصل

ريان رد عليها.. الو

شجن.. الو انا كنت بسال عن الشغل هو لسا موجود

ريان.. لأسف في كذا حد كلمني وهيجوا

شجن بكسره بانت ع صوتها.. شكرا

ريان.. استني

شجن.. نعم

ريان.. انتي مؤهلك ايه

شجن.. معايا كليه حقوق وطالعه باامتياز
بس ف ناس الله يسامحها ضيعولي ورقي

ريان.. تمام جدا انا عاوز محاميه تمسكلي قضيه مهمه للشركه بتاعتي وشكلك شاطره

شجن بفرحه.. بجد
رجعت كشرت… بس انا معيش ورق

ريان.. بسيطه هتروحي للجامعه الي متخرجه منها تطلعي بدل فائد لورقك وتاخدي نسخه

شجن.. كنت رايحه عن بالي فين
طب حضرتك انا

ريان.. قولي

الباب بيتفتح عند شجن

شجن.. هقفل واكلمك تاني وقفلت بسرعه

ريان.. البنت دي وراها حاجه كبيره وماصدقت تلاقي قشايه تتعلق فيها ربنا يسترها ع البنات كلها

ام قاسم.. كنتي بتكلمي حد

شجن.. هكلم مين.. هو انا ليا حد اكلمه

ام قاسم.. يابت متستفزنيش لقوم اكلك علقه محترمه

شجن.. انتي طالعه ليه دلوقتي ؟

ام قاسم … هيهيهيهيهي طالعه ليه مالك ياروح امك انتي ناسيه ان دي شقتي يا حلوه ولا انتي وضعك ايه
اطلع وقت مايعجبني واقعد براحتي ولا حسك يتفتح عليا انتي فاهمه

شجن تعبت وزهقت.. انتي كل ماتشوفيني تزعقيلي

ام قاسم.. اصل حطاكي في دماغي بصراحه وجودك منرفزني

شجن.. يارب ارحمني من العيشه السودا دي

قاسم بيخش ع كلمه شجن

قاسم.. عيشه سودا ياشجن ؟ وبتزعقي ل امي وبتعلي صوتك

ام قاسم بتتمسكن.. يابني طالعه اقولها تنزل تفطر معانا لقيتها عماله تقولي انتي طالعه ليه ومالكيش حق تطلعي وده بيتي مش بيتك وطردتني

قاسم بيقلع حزامه.. انا هربيها عشان صوتها يعلي كويس

ابو الاء.. انتي بتقولي ايه ياالاء عاوزه تبعدي عننا

الاء.. بابا احنا ظروفنا علي قدها ونفسي اساعدك

ابو الاء.. تساعديني ؟ ف تتغربي عني
ملعون الفلوس ع الشغل الي يبعدك عن عيني
هتتدبر يابنتي

الاء.. انت ناسي حاجه

ابو الاء.. ايه هي

الاء.. عمتي زينب ف اسكندريه هروح اقعد معاها
الشغل شهرين وهنزل شهر اجازه و2000 جنيه مش وحش يابابا

ابو الاء بيفكر

ام الاء كانت بتعمل شاي بعد الفطار متعودين ع كدا

ام الاء.. ياابو الاء الاء مبقتش صغيره ويعتمد عليها وبنتنا عارفينها كويس واهي تساعد في جهازها

ابو الاء.. بس الدنيا اتغيرت وانا بخاف عليها

الاء.. منت هتيجي معايا المقابله عجبك عجبك معجبكش هنروح نزور عمتي ونرجع تاني

ابو الاء.. بس ااااا

ام الاء.. مبسش روح يمكن خير

ابو الاء.. ربنا يقدم الي في الخير

الاء فرحت اوي وجريت كلمت ريان

ريان افتكرها طبعا.. اممم بجد

الاء.. اه هاجي مع بابا نقابل حضرتك
هو حضرتك اسمك ايه

ريان.. اسمي ريان

الاء.. تمام اما هاجي هكلم حضرتك
واتفقوا ع الميعاد واداها عنوان الشركه الاصلي

شيريهان كانت معزومه عند حماتها ومروحين

ايان.. تعالي كدا ياحلوه

شيريهان.. ايه ياض في ايه

ايان.. ماشيه في نص الشارع شويه وهتاخدي العربيات بلحضن

شيريهان.. بحب امشي ف النص ليك في

ايان.. ليا ونص واذا كان عاجبك

شيريهان.. ثبتني بقي

ايان.. مش هلمك بقي ونتجوز

شيريهان.. لموك متقطع من تحت مترو يفرمك يابعيد

ايان.. انا صرفت نظر واقولك دبلتي ايه وغوري ف داهيه وراح زاققها بهزار

شجن ضامه رجليها بخوف مبقتش حاسه بوجعها الجسمي
هي روحها وجعاها نفسها مكسوره قلبها تعب
بتعيط وتترعش وبتبص حواليها
الضرب معلم ع كل حته ف جسمها ويامين يرحم اهاتها ووجعها وينقذها منهم .. من بيت الرعب الي عايشه في غصب عنها يمكن بيت الرعب ارحم واحن

كلهم نزلوا عشان يتسحروا برا

خدت التليفون واتصلت بريان وبصوت بيترعش.. الو

ريان.. انتي كويسه

شجن اول مره تحس ان في حد بقي يحس بيها بحالها ووجعها.. شجن ابتدت تعيط
لا مش كويسه عمري ماهبقي كويسه

ريان صعبانه عليه اوي.. هو انتي قفلتي ليه

شجن بخوف وتعب.. عشان اخد جرعتي اليوميه من الضرب والذل والاهانه بلحق اخدها قبل ماتتضاعف ووجعي النفسي يتضاعف

ريان مش مصدق.. انتي فين واجي اخدك حالا

شجن.. نفسي اخلص من الي انا في انا تعبانه اوي انا ماليش حد والله العظيم حسيتك اخويا متسبنيش وحيات اغلي حاجه عندك انا بموت حرفيا

ريان.. اهدي واحكيلي وهاجي اخدك اقسم بالله

شجن بتهدي وبتحكيله هي اطمنتله حد غريب بتتعلق في يمكن ربنا باعته ليها ودي اشاره انها هتخلص م العذاب ده

رمضان خلاص قرب يخلص

الاء مستنيه يخلص عشان تروح تقدم ع الشغل بقي
وتساعد اهلها ف المصاريف

شيريهان.. حبيبي ياسطا واحشني

ايان.. لا منا مش هتفاجئ خلاص
حبيب اخوك منور الدنيا

شيريهان.. تسلم ياشق
مش هتعدي عليا عشان نجيب لبس العيد بقا وووكدا

ايان.. دخله السرسجيه دي عرفت انك عاوزه مصلحه

شيريهان.. وانا هعوز منك ايه يامعفن دنت بتكمل باقي يومك نوم عشان مفيش عشا

ايان.. اهو اديكي قولتيها يعني مش باكل وبنام م الجوع تخيلي معايا فلوس اجيبلك لبس
تعالي اجيبلك كوزين دره واكون شاكر كمان وتعدي الجمايل

شيريهان.. ياض بقيت خفيف خف التنين هموت من ظرافتك حاسب ياض لحسن تتدلق زي شوال الرز ومنعرفش نلم خفتك

ايان.. لسان امك ده لو متلمش لاجي احدفك تحت عربيه واخلص منك وهكون كسبان

شيريهان.. لو راجل اعملها عشان ادفنك مكانك

ايان.. هو انا خاطب واحد صاحبي فين الرقه بتاعت البنات

شيريهان.. وانت بتشوف رقتهم فين ياعنيا

ايان.. ف الحلم منا بحلم بيهم
يعني ابقي خاطب مدحت شلبي ومحلمش

شيريهان.. لا احلم ياحبيبي وماله مش عيب
قصر الكلام خلص وعدي عليا

ايان.. الهي يعدي عليكي قطر واخلص منك

شيريهان.. نعم بتقول حاجه

ايان.. لا ياحبيبتي بقولك نص ساعه واكون عندك

ريان واخد اتنين من صحابه وواخدين عربيه كبيره سودا وراحوا المكان بتاع شجن

ريان.. ده بيت قاسم فريد قاسم

واحده جارتهم.. اه ياباشا

ريان خبط برجله ع الباب

ام قاسم بتعمل الكحك والبسكويت بتاع العيد واتخضت

مين الي امه داعيه عليه ده الي بيخبط كدا

شجن كانت حاسه انه ريان هو وعدها يخلصها منهم وغير كدا ريان كان واخد اتنين ظباط صحابه جدا

نزلوا فتحوا الباب من تحت

ام قاسم.. نعم عاوزين ايه

ريان بغيظ.. انتي ام قاسم

ام قاسم.. اه انا

ريان راح بعزم مافي لاطشها بلقلم

ظابط م الظباط.. فتشولي البيت

شجن كانت بتمسح مطرح مابيعملوا الكحك والبسكويت رغم تعب جسمها

طلع ريان هو وظابط وظابط تحت واحد من صحاب ريان واقف

ريان طلع.. فين شجن

شجن بصتله عرفت انه هو

مرات اخو جوزها .. اهي ياباشا الي ماتتسمي

ريان قرب منها بلغه تحذير.. تحبي اوديكي ورا الشمس دلوقتي واخليكي تتمني الموت

مرات اخو جوزها بخوف.. انا انا ماليش دعوه وبعدت

ريان.. اتفضلي معانا ياشجن معانا امر باعتقالك

شجن بتمثل.. انا عملت ايه سيبوني وبتستنجد ب اخواته وطبعا كلهم خايفين

خدوا شجن العربيه الي برا

ظابط وقف قدام ام قاسم.. دورك جاي انتي وابنك ومتحاولوش تتدوروا عليها لان لو عرفت انكوا هوبتوا ناحيه اي قسم هتكونوا معتقلين وده اخر تحذير وصوركوا وبيانتكوا معايا وفي كل الاقسام متحاولوش مجرد محاوله فاهمه

ام قاسم بخوف.. ف فا فاهمه

مشيوا بعد ماعملوا رعب للبيت كله

شجن من قله الاكل والتعب ودوخه العربيه اغمي عليها

ريان.. عاوزين نطلع ع اقرب مستشفي تقابلنا

ظابط صاحبه.. ايه القرف الي هي كانت عايشه في ده ومين الوليه الي شبه العفاريت دي
والبنت شكلها متبهدل خالص

ريان.. حسبي الله ونعم الوكيل ف كل حما تفتري ع مرات ابنها لمجرد ان ملهاش حد ف الدنيا

خدوا شجن اقرب مستشفي قابلتهم

الكحك والبسكويت بيتعمل ف كل البيوت والاطفال واخدين الصجان بتاعت الكحك والبسكويت ورايحين يسووها ف الفرنه والصواريخ مسمعه ف كل الشوارع هيغيب شهر الغفران وهيجي العيد ويملي الشوارع بلحب والزيارات والفرحه

البيت كله عند ام الاء متجمعين وبيعملوا الكحك

الاء بتحضر هدومها عشان بعد العيد وهتسافر للشغل

إيلان.. هتسبيني ياالاء

الاء بتحضنها.. بطلي عياط منا هكلمك ع طول واطمن عليكي وبعدين دول ساعتين بلعربيه

إيلان.. واما ابقي مخنوقه هاجي لمين ومين هيهون عليا

الاء.. هنكلم فيديو ساعتها وههون عليكي وهبقي جمبك مقدرش اسيبك
انتي عارفه الظروف الي اضطرتني لكده

إيلان بتحط هدوم الاء ف الشنطه وبتقفلها.. عارفه بس هتوحشيني اوي

الاء.. ياقلبي منا لسا مش همشي دلوقتي قاعده ع قلبك اسبوع يلا ننزل نجيب لبس العيد ك عوايدنا بننزل اخر ناس

إيلان ضحكت.. عشان الهدوم تكون رخصت شويه

الاء.. لا وانا بحبك وانتي بتفاصلي اوووي

إيلان.. اتريقي عليا اتريقي

الاء.. وانبي ياعم اخرها خمسين هاا خلاص براحتك يلا ياالاء يروح ناده عليكي بتضحكيني فعلاا

إيلان.. بقي كدا طب شوفي مين هيروح معاكي ويفاصلك

الاء بتضحك.. احنا اسفين ياصلاح
وقعدوا يضحكوا

شجن بتفتح عيونها لقيتها ف بيت جميل جدا جدا وفي ست طيبه قاعده جمبها بتعملها كمدات مايه ع وشها عشان وشها متعلم من كتر الضرب

شجن.. انا فين

ريان دخل.. انتي ف امان

شجن بفرحه.. ايه ده انا مش بحلم انا مش في بيت الرعب بجد

ريان.. لا انتي ف امن واحن بيت ف الدنيا ومعاكي ست الكل امي

شجن.. انتي طيبه اوووي قاعده جمبي تداويني

ام ريان.. انا كان نفسي في بنت وربنا مارادش واهو ربنا عوض صبري خير زي ماعوض صبرك خير

شجن.. مش عارفه اشكركوا ازاي بجد انا حاسه اني بحلم انا كنت ف كابوس وحش اوي ياماما

قصدي ياطنط

ام ريان.. لا قوليلي ماما حلوه منك اوي

شجن فرحت بلمه الجديده بلبيت الي كله حنان ودفا خلاص مفيش ضرب تاني ولا ذل ولا اهانه هتعيش بني ادمه عاديه

قاسم بخوف.. محدش يجيب سيرتها تاني واكن مكانش ف واحده معانا اسمها شجن هنا فاهمين

ام قاسم.. غارت ف داهيه طول عمري اقولك دي بومه وش الفقر علينا وانت مصدقتنيش

الباب بيخبط جامد واتخضوا كلهم

قاسم راح يفتح..

ظباط كتير وعساكر وامر بتفتيش البيت

قاسم بخوف.. ف ايه ياباشا

الظابط بصله برخامه.. اتقل ياخفيف

عسكري جه من جوا وماسك ف ايده شنطه فيها فلوس مزوره وحشيش

العسكري.. تمام ياباشا لقينا دول

الظابط بيبصله برخامه.. هاتوهم
هتنوروني والله

خلصت الحلقه ويارب تكون عجبتكوا واستنوتي ف الحلقه الجايه رقم 4

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: