قصص

عهد_العاشقين بقلم.. نور محمد

عهد_العاشقين بقلم.. نور محمد

الحلقه ال 2

تجيهزات الفطار بتتحضر م الصبح

الاء خلصت الاكل وقامت صلت العصر وبتقرا قرآن عايزه تختمه 3 مرات زي ماهي متعوده

شيريهان من الصبح بتعمل الفطار بتاع عزومه حماتها وخطيبها وحماها وبتغني

وانبي ياما بحبه ياما الولا ياما جنني ياما

امها من برا.. مين ده يابنت الجزمه الي جننك

شيريهان.. ده الراجل بتاع الفراخ جنني ع مااجبلي الوراك لوحدها والصدور لوحدها

ام شيريهان.. ياختي هيرحوا من ربنا فين

شيريهان.. ع رأيك

ام شيريهان.. لا حاسه انك خدتي عليا اوي وسانده ايدك ع كتفي كآني واحده صاحبتك شكل الشبشب وحشك

شيريهان بتضحك وتجري تستخبي ورا ابوها

ابو شيريهان.. ياساتر ع الصبح كدا احنا ف ايام مفترجه عدوها ع خير

شيريهان.. والله ياحج ماكلمتها

ام شيريهان.. والله انتوا شكلكوا بتشتغلوني اصلا ولا انتي بنتي ولا انت جوزي وشكلكوا خاطفني

شيريهان.. الحمدالله ظهر الحق انا مش بنتكوا انا اصلا مش من مصر انا اجنبيه ووانتوا لقتوني تايها صعبت عليكوا خدتوني تربوني صح وانبي اهلي الحقيقين فين

ابوها ماشي بيكلم نفسه.. البت اتعدت من امها ولا ايه بيت المجانين الي انا في ده

ريان.. الله ع الروايح الجميله ايه ده

ام ريان.. حبيبي انت صحيت

ريان.. اه ياماما صحيت
عملالنا ايه بقي ع الفطار

ام ريان.. كل الي قلبك يحبه مكرونه باشميل ومحشي وفراخ وجلاش بلحمه

ريان.. اااه مش قادر كفايه والعصاير بقا

ام ريان.. عملالك طبعا التمر وعصير المانجا زي مابتحب

ريان باس ايدها .. تسلملي ايدك ياست الكل

ام ريان برضا وفرحه.. حبيبي يسلملي وجودك يارب

ريان راح وفتح اللاب بتاعه ونزل اعلان شغل

مطلوبين سكرتاريه لا يشترط المؤهل ولا الخبره وحسنه المظهر ويوجد سكن للمغتربين وكتب رقمه الشخصي واسم الشركه بتاعته

وجعها كان كبير خلاص مفيش اطفال عمرها ماهتبقي ام ولا هتحس بإحساس الي الامهات بتحسه نايمه ف السرير وكلهم متجمعين بيفطروا تحت

قاسم.. انا هطلع اكل ل شجن تاكل

ام قاسم.. ع اساس البت صايمه وهتموت يعيني ملني فاطره ياوكسه عمري سيبها اما نخلص اكل الي يفيد طلعهولها

ام قاسم لمرات ابنها.. خدي كلي انتي ام الواد لازم تتغذي

قاسم قاعد مخنوق اوي هو ماله ساكت ليه زي مايكون متكتف سايب اكتر واحده حبها تخت رحمه امه واخواته وعمرها مااشتكت حتي سايبنها كلهم فوق وقاعدين تخت وهي لوحدها حتي انا مش جمبها

شجن موجوعه اوي وجعها النفسي كان اشد من وجعها بتاع العمليه

شجن بتفتكر ايام زمان

قاسم.. هعوضك عن كل وجع اتوجعتيه عن كل مره نمتي فيها معيطه عن خوفك الي ملازمك ليل نهار
هكون ليكي اب واخ وحبيب وصديق
اطمني انا عمري مااسيبك ابداا ثقي فيا

بتفوق شجن ع وجع اكبر م الي هي في

عجزت عن صبرها استحملت مالا يستحمله بشر ومكمله
وليه مكمله ؟
يمكن عشان ملهاش حد
طب ماهي كدا كدا لوحدها حتي لوحدها اكرملها

قاسم بيفتح الشقه ومعاك طبق ف اكل

شجن مسحت دموعها بسرعه

قاسم.. جبتلك اكل عشان تاكلي

شجن ف سرها.. لسا فاكر اني مكلتش ومطلعلي البواقي بتاعت اكلكوا انا لو ملبه هتعاملوني احسن من كدا

شجن.. شكرا ماليش نفس

قاسم.. بقيتي تتدلعي ياشجن

شجن بكسره.. عندك حق انا بقيت ادلع انا لازم ادلع

قاسم.. قصدك ايه

شجن.. مقصديش.. مقصديش حاجه

قاسم.. الاكل عندك انا هنزل اسهر مع صحابي
ولسا هيمشي وقفته كلمه شجن..

شجن.. ليه اتغيرت ياقاسم ؟!

قاسم.. اتغيرت ؟ اتغيرت ازاي يعني!!

شجن.. مبقتش قاسم بتاع زمان بقيت شخص جاحد معندوش قلب النفروضكانوا سموك قاسي مش قاسم
قلبك قاسي عليا اوي انت واهلك
سؤال انا عملتلكوا ايه

قاسم بزعل بس حاول يبان عادي.. اهلك ااهلك
معندكيش سيره غيرهم
عملولك ايه اهلي كانوا هما السبب ف ان ان احنا منخلفش

شجن ساكته بصدمه عايزه تعرفوا انهم فعلا السبب بس خايفه من رد فعل حماتها واخواته الي بيستنوه يروح شغله ويشغلوها خدامه لحسابهم وان غلطت تتضرب وتتهان
خايفه يطردوها وهي ملهاش اي مكان غير بيتها
حتي شهادتها ضيعوهالها لما جتلها شغلانه كويسه

شجن.. روح ياقاسم اسهر مع صحابك
وجودك مبقاش مستحب اصلا

ام آيان.. سفره دايمه ياجماعه

ام شيريهان.. الا قوليلي اطلقتي من الواد الصايع الي كنتي متجوزاه عرفي ولا لسا

كلهم بصوا لبعض وايان كان هيموت ومش عارف يتصرف

شيريهان بتنقذ الموقف.. عامله كنافه يالهوووي هتاكلوا صوابعكوا وراها
وقامت خدت امها ودخلوا المطبخ

شيريهان.. ابوس ايدك عدي اليوم

ام شيريهان.. يابت صدقيني قفشوها مع الواد سيد المكوجي وكانوا كاتبين عرفي
وسيرتهم كانت ع كل لسان هي ست مش مظبوطه اصلا
يلا مبحبش اجيب في سيره حد

شيريهان ماسكه دماغها.. هو النووي اتاخر عن بيتنا ليه يااارب

قاسم ماشي مع نفسه مخنوق هو فعلا اتغير وهو عارف كدا
يمكن عشان نفسه ف طفل
وزهق من كلام امه الي ليل نهار تسمعهوله
بس هو وعد شجن انه يعوضها عن كل القرف الي شافته وبهدلتها هو مش عارف يعمل ايه يرضي امه ازاي ويرضي مراته ازاي
والي زاد وغطي خلاص عمري ماهبقي آب
اكيد ده عقاب من ربنا ليا انا مستحقش ابقي أب اصلا اجيب عيل يجي يشوف البهدله الي امه فيها
ويتبهدل ف الدنيا زي امه
ده عقاب من ربنا انا عارف عيونه اتملت دموع هو فعلا مخنوق ومحدش حاسس بيه ولا يعرف حتي مراته بيحصلها ايه من وراه هو فاكر ان كل ده خناقات عاديه ميعرفش الي بيحصل لمراته من وراه

الاء خلصت الفطار وقامت لمت الاكل وغسلت المواعين
وزميله ليها اتصلت

إيلان.. لي لي قلبي وحشتيني

الاء.. وانتي ياإيلي عامله إيه

إيلان.. كويسه الحمدالله كل سنه وانتي طيبه ياحبيبتي

الاء.. وانتي طيبه يارب هنصلي التروايح ف الحسين انهارده زي مامتعودين ؟

إيلان.. طبعا ده اول يوم بيبقي ليه طعم كدا ميتوصفش ونتمشي ف جمال الحسين شويه يالهوي بعد الفطار بيبقي روعه

الاء جه ف بالها ريان فجآه وسرحت

إيلان.. الاء!

الاء.. هاا معاكي

إيلان.. ايه سرحتي ف إيه

الاء.. لا ولا حاجه انا هلبس وهستناكي تعدي عليا

إيلان.. تمام مسافه السكه

الاء. سلام

الاء.. ليه بفكر في كدا ليه مش راضي يروح من بالي
انا عارفه انه حرام افكر في بس ليه مش قادره ابطل تفكير في حاسه اني انجذبتله كدا حاجه كهربتني اول ماشوفته
ياتري هنتقابل تاني ؟

آيان واخد شيريهان وبيتمشوا شويه بعد العزومه الي قلبت مسخره ك العاده

شيريهان.. مالك ياض

آيان.. ايه يابنت المهفوفه حد كلمك

شيريهان.. ماشي تطوح ماعارفه اتلايم عليك

آيان.. م الاكل الي طفحتهوني حاسه نافخ بطني اوي مش قادر لا وحاسس اني عامل دماغ وبيضحك

شيريهان.. ليه كنت طبخالك حشيش ع الفطار ماتظبط كدا

آيان.. تعالي نهضم ونشرب اتنين عصير قصب

شيريهان.. وهتخليه يحطلي شفاطه

آيان.. شفاطه!! الهي يشفطوكي يابعيده لاخره انتي وامك عشان انا تعبت

الاء صلت التروايح مع صحبتها وروحت البيت فتحت نت بتدور ع شغل ك عادتها

ولقت اعلان ممول ظاهرلها

مطلوب سكرتيره حسنه المظهر ولا يشترط مؤهل ولا خبره

الاء.. يارب يكون خير يارب بس ايه ده ده ف اسكندريه وانا م القاهره

ولاحظت يوجد سكن للمغتربين

الاء.. ياتري بابا هيوافق

اتصل اشوف يمكن ليها فرع ف القاهره ولا لاء

شجن نايمه وبتحلم بنفس الكابوس حد بيقرب عليها وشه كله دم ماسك سكينه وبيضحك بصوت عالي جدا

شجن بخوف بتجري لحد مابقت لازقه ف الحيطه

الي بيقرب منها فحآه اتحول لطفل!!
عمال يعيط وبيمشي رغم انه ميتعداش كام شهر
عيونه فجاه تنزل دم وتطلع لبرا وبيغيط بصوت راجل كبير
وبيقرب
تفوق شجن وتصوت

كان قاسم بيفتح الباب لاقاها بتصوت جري عليها

شجن حاضنه نفسها م الخوف
قاسم بيقرب منها راحت ممخضوضه

قاسم.. اهدي ده انا

شجن خافت.. ايه عايز ايه

قاسم.. كنتي بتصوتي ليه مالك

شجن.. ك كنت بحلم انا هنام

قاسم.. تحلمي!! انتي خلاص اتجننتي رسمي ربنا يهديكي

شجن.. اتجننت.. شوفت مني ايه عشان تقول كدا

قاسم.. تصرفاتك بتقول كدا بتعوري نفسك بتقصي شعرك ليه الوجع ده ليه الي انتي في ده

شجن ساكته

قاسم.. انتي ليه بتهربي من كلامي

شجن.. عشان مينفعش ارد عليه سيبني بقي

وهما واقفين كان الباب بيتفتح وام قاسم تخش كأنها داخله بيتها مثلا

ام قاسم.. ايه ياحلوه كل يوم هنسمع صويتك انتي ناويه تفضحينا ف الشارع

شجن خايفه.. حاضر ووغطت وشها ونامت هي منامتش هي مش عايزه تشوفهم قرفانه منهم تعبت وكرهت نفسها

الاء اتصلت لقت الموبايل مقفول راحت قالت بكرا هتتصل

ريان.. بيبص ف تليفونه لقاهرفاصل فتحه
وبيعمل نسكافيه لقي التليفون بيرن ان ف رساله

ريان بيبص لقاه رقم شافه ع الترو كلر طلعله بااسم حوريه الجنه

ريان مستغرب الاسم وشده جدا راح متصل

الاء بتبص لقت موبايلها بيرن برقم الشغل فرحت اوي وردت

الاء.. الو

ريان.. …

خصت الحلقه ويارب تكون عجبتكوا وانتظروني ف الحلقه الجايه رقم 3

#عهد_العاشقين

#نور_محمد

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: