الشعر

غلبت معاك.. بقلم اميمه المعداوى

بقلم اميمه المعداوى..من ديوان/ شى غريب
غلبت معاك

..غلبت معاك ،
وايه تانى ها أقولهولك،
يا تاعبنى كتير وياك

..غلبت معاك
وكل ما أقول خلاص هاانسى، تجينى تحن
وأقولك أنا مسمحاك

..وبتصالح وبتسلم،
وترجع تانى تتألم
مغلبنى عناد طبعك
ما انا عارفاك

.. وبين اللأه
والأهه بتتنهد وتتكلم،
وتشكينى ف عز صفاك

..يامين يعذرنى
ف خصامك، يجيب حقى،
ومايقولشى أنا ظلماك

..يا أما ترق وتسلم،
يا اما تسبينى بقى أمشى عشان انساك.

غلبت معاك…….

Tags

صدى مصر

كاتب ومراسل اخباري, محلل سياسي يهتم بالقضايا المصرية والاقليمية وشؤن التعليم.

Related Articles

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Close