الشعر

“ق/نفسي يوم المس ايديها” بقلم ك/أحمد عبد الرحمن صالح

ق/نفسي يوم المس ايديها
ك/أحمد عبد الرحمن صالح

لـسـه قـلـبـي ليـكـي شـايـل كل كلـمـة بتقوليها

لسه شايف صوره حلوه وانتي واقفه ترسميها

بالدموع اللي ف عيونك وانتي غرتك بـداريها

بعشقك بعشق جنونك يلي روحي عايشة فيها

نفسي أجبلكِ كل حاجة قبل ما تشاوري عليها

يبقـا قـلـبـي ليكي جـنـة وف حـنـانُـه تسكُنيها

مستحيل هقبل بـعـادكِ وانتي روحي بتملُكيها

يلي عشقك حاجــة نادرة عيني عندك إسأليها

لـو قلـتـلكِ إنـي حُـبـك نـار فـي قلبي صدّقيها

غصب عني قـدرة اخبـي كلمة نفسي تسمعيها

لـو قــدرتي تكـوني زيـه مـن غرامك هتقوليها

الـف مـيـة مليون بحـبـك جــوه مـنـي اُعذريها

لسه شـوقك بيشاغلني روحي عندكِ اُحضنيها

لـو زمـاني يسـبـني أحـبـك الامـانـي هتزوريها

بعشق الحُسن فـي محاسنك

في حاجات صعـب تشوفيها

كل يوم احضن في صورتك

فـي ســاعــات بــدّاري فيـهـا

مـهـمـا زمنـي علـيـا يـقـسـي

بـجـري بتحـامـا فـي عينيها

بـعـشـقـك بـعـشـق عـيـونـك

بـعـشـق اللـهـفـة اللــي لـيـها

غـصـب عـنـي بـنـادي قلبـي

يـــلا خُـــــدنــي اوام إلـيـهـا

اللــي لــو طـلـبـت حـيـاتــي

عــمــري كـلــه افــتـــديــهــا

اللـي ساكـنـه بـيـن خـيـالـي

نـفـسي يــوم الـمـس إيديها

الوسوم

صدى مصر

كاتب ومراسل اخباري, محلل سياسي يهتم بالقضايا المصرية والاقليمية وشؤن التعليم.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: