الشعر

كل الحكاية انى بعشقك…من مؤلفات الشاعر سمير احمد القط

كل الحكاية انى بعشقك…من مؤلفات الشاعر سمير احمد القط

كل الحكاية انى بعشقك
زى الحياة بلا منتهى
فيكى السعادة كلها
فيكى النعيم منُها
فيكى ابتسامتى
لما ايامى
تقولى آه
كل الحكاية انى دايب
زى كل العاشقين
واحلف يمين
انك ملكتى كل شئ
وانى الغريق
وانت الرفيق اللى انتظرته
طول العمر بالشوق والحنين
كل الحكاية انى زى كل الطير
تعبه الهجير
ونفسه يلقى العش
اللى يسكنه ومايكون اسير
كل الحكاية انى شفت
لون الدنيا بالوان الزهور
والضلمه نور
وانت كأنك شمس
ساكنه جوه قلبى
ف عرش الملوك
بدر الحسان
زى الاميرة اللى
زانت فى المكان
والريح عطور
كل الحكاية انى ودعت فيا
كل جراح السنين ومات الانين
بين آيادى طبطبت
على صدر عانى
من ظلم اهات السنين
ونزف دموع داقت مرار
فى الانتظار لقلب طيب
زى قلب العارفين
كل الحكاية انى بعشقك

الوسوم

صدى مصر

كاتب ومراسل اخباري, محلل سياسي يهتم بالقضايا المصرية والاقليمية وشؤن التعليم.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق