يابلادي
بقلم المحجوب بوسبولة
يابلادي ياجنة خيالي
ياروحي يامالكة بالي
حبك متمكن مايسالي
ياللي منك فيك سر حالي
جايك لالة ف عبير الشيح
سلباني امحبتك ونصيح
يامغرب ياعشقي بلبريح
كل مافيك بلادي ومليح
ياك عاطفة وسرارك طبيب
امرضعانا منك لحليب
في حضنك مرتاح هذ لقليب
جامعة ومقبلة كل قريب
فيك اهلي منك عيالي
من ثرابك لالة و ف خيالي
انت ديالي كلي ياراس مالي
ونقولها ياللي ف العالي
ياسبحان الله يابلادي
يامكونة عزمي وسنادي
يامكسرة بالجد اقيادي
يامربية نسلي وكبادي
هذي انت شجار الارgان
ياكرمة ودالية لكل انسان
ياقمحة تمايل بطمئنان
مستورة بسرار القرءان
انتي سمفونية غنايا
عايشة ف نفاسي ودوايا
حاملة لقصيدة ورواية
ياشلال شفا وهوايا
خليني فيك ننقش ونكتب
يكبر معايا سر هذا الحب
انت الطاقة فضة وذهب
انت للي قلبي معاك تسلب
