ثقافة وفنون

يعنى ايه مصرى ؟ – قصيدة عاميه من مؤلفات الاديب الشاعر سمير احمد القط

يعنى ايه مصرى ؟ - قصيدة عاميه من مؤلفات الاديب الشاعر سمير احمد القط

يعنى ايه مصرى ؟
يعنى نيل بيجرى فيا
يعنى راية ليها التحية
يعنى بذرة مغموسة مية
والجميع يهتف لمصر
يعنى ناس فى الفجر صلت
يعنى ايد عرقت ماكلت
يعنى نفس حاربت ماولت
والجميع يهتف لمصر
يعنى طالب رايح مدارس
يعنى جندى فى جبهه حارس
يعنى عالم واديب وفارس
والجميع يهتف لمصر
يعنى حضن دافى ياخدنى
يعنى شاب بالخير واعدنى
يعنى ام تدعى …تزيدنى
والجميع يهتف لمصر
يعنى خوفو جنب خفرع
يعنى صوم وفانوس ومدفع
يعنى عين بالحب تدمع
والجميع يهتف لمصر
يعنى امى وابنى وبنتى
يعنى راية فيها هامتى
يعنى آيه وفيها سمتى
والجميع يهتف لمصر
يعنى لمه فى المغربية
يعنى لقمة …تكفى ميه
يعنى ايد …بانية قوية
والجميع يهتف لمصر
يعنى قاعدة فوق حصيرة
يعنى اخ و صاحب وجيره
يعنى حب رافض لغيره
والجميع يهتف لمصر
يعنى قوة وعزم واعد
يعنى ايد تبنى تساعد
يعنى فكر يبنى قواعد
والجميع يهتف لمصر
يعنى وحدة مافيهاش خلاف
يعنى نحمد لو حتى حاف
يعنى نرفض وبلاش نخاف
والجميع يهتف لمصر
يعنى مسلم بدون فروق
يعنى رحمة ولازم نفوق
يعنى مركب مش عايزة طوق
والجميع يهتف لمصر
يعنى فجر…. جديد ينادى
اخلاصى فيه علشانى ولادى
والاصيل فينا …ينادى
تحيا تحيا …تحيا مصر

الوسوم

صدى مصر

كاتبة صحفية - رئيس التحرير التنفيذى لموقع صدى مصر عضو مجلس ادارة الجريدة الورقية ازاول مهنة الصحافة إما منطوقة أو مكتوبة، وعمل الصحفي هو عشقى بجمع ونشر المعلومات عن الأحداث الراهنة، والاتجاهات وقضايا الناس وعمل ريبورتاجات اهتم بجميع الاحداث التي تدور في مجتمعنا "جيهان الشبلى"

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: