أوعي تسوق الحب عليا
بقلم الشاعر /طارق جلال الحسينى
أوعي تسوق الحب عليا
وتقول وحشاك عينيا
وانك تملى بتفكر فيا
واول ماقرب ليك
وأحاول المس أيديك
وأقولك بحبك
وتملي بتمنى قربك
تهرب مني بعينيك
وتقولي عمرى
ما فكرت فيك
انا ممكن أكون بعزك
بس مش بحبك
وتفكيري تملي غير تفكيرك
مش معنى انى بجيلك
وباسمع تملي همومك
والوقت بيعدي معاك
بين كلام وحكايات
واليوم بيعدى كأنه ساعات
هزار وضحك طول الأوقات
انا صحيح بعزك
بس مش بحبك
ليه متقولشي أصحاب
ونبطل عتاب
ونقفل على الحب باب
ونعيش مع بعض قرايب
على طول ماسك
فى أيدك الباب
وتملي بتخلق أسباب
أننا نبقي أغراب
أو نعيش أحباب
