ابن الاصول
بقلم الأديبة والشاعرة جيهان موسى الصياد
ابن الأصول
وقت الشده عمرة ما يسيبك
تلاقيه راجل جدع وعمره ما يبيعك
ابن الاصول
عمره ما يخونك
ولا يغدر بيك يوم ولا يسيبك
بيقولك انا الاصيل
اللي الزمان عمرة ما غيرني
ولا حتي خلاني اسبب حتي
اللي كسرني
انا الاصيل ابن الاصول
اللي اهلي علموني
علي الجدعنه وطول البال
والصبر علي الزنقه وقلة المال
وعمرى ما كنت ندل ولا حتى جبان
انا ابن الاصول
واللي مايعرفنيش وقت ما كان مافيش
معايا يا ناس القرش
واللي ما قدرنيش وسابنى وقالي قربك مني ميلزمنيش
بكرة الحال يتغير
وهيبقى معايا كتير
وعمرى ما هتغير
ولا اقول فى يوم معايش
ده انا اللي في جيبي مش ليا
والمال ميلزمنيش
انا مش قليل الاصل
ولا عمرى كنت قليل
دايما بقول الحق
ولو كان على رقبتي
ولا عمرى اخون العهد
ولا اكون بتاع مصلحتي
وسلام على الاندال
اللي مش جدعان
وخانو عيشي وملحى
وقالو ا الف سلام
سلام والف سلام
