الحج الرسمى والحج غير رسمى
بقلم/أيمن بحر
ولا ترموا بأيديكم الي التهلكة بعد ما حدث ما حدث فى حج هذا العام ومن أراد أو نوى الحج فى الأعوام القادمة بإذن الله.
بعد اتمام فريضة الحج بتوفيق من الله، واشهد الله تعالى ان كلامى هذا لا سمعه فيه ولا رياء
الحج فريضة ربنا سبحانة وتعالا فرضها علي كل مسلم بالغ عاقل وعلشان الحج على مر السنين والعصور مشقه كبيرة برغم توفير بعض سبل الراحة ربنا سبحانة وتعالا قال ( لمن استطاع اليه سبيلا ) ..الحج له طريقين طريق مصرح وطريق غير مصرح اى حد بدنياً غير صحصح انصحه اسمع كلام ربنا ( ولا ترموا بأنفسكم الى التهلكة ) وده لان فى فرق كبير بين اللى طالع حج رسمى واللى طالع غير رسمى المسافه بين مكة وعرفات تتراوح بين ٢٠ كم الى ٣٠ كم علي حسب شطارتك بقا هتتحرك منين وهتمشي ازاى هتتحرك بليل ولا بالنهار .. فى الحج الرسمى انت عندك وسيلة نقل متوفره فى شركة السياحة المسئولة عنك.
فى الحج الغير رسمى انت معرض للنصب من التاكسى ومن باصات التصعيد يعنى ممكن تدفع ١٠٠٠ ريال علي الاقل ده كدا يبقا رحيم بيك لباص تصعيد وفى الاخر يسيبك بعد اتنين او تلاته كيلو في الصحرا يبقا حضرتك هتكمل المسافه دى كر وفر من الشرطة ويا عالم هتقدر تدخل ولا لا .. او تاخدها مشي من اولها وخلاص ربنا كرمك ودخلت عرفات سواء رسمى او غير رسمى وكله بتوفيق من الله واللي ربنا كاتبه هيكون .. فى الحج الرسمي انت عندك مخيم مكيف ومتوفر فيه جميع سبل الراحه علي حسب باقه الحج اللى انت طالعها بس مهما كان بردو اقل حاجه انت عندك مكان مخصص ليك وعندك طبيب عنده بيناتك وكل شئ عنك ورقم الطوارئ الخاص بيك
الحج الغير رسمى انت على الله حكايتك مفيش مكان تقعد تريح فيه بعد رحلة التعب علشان توصل عرفات و الاكل انت وظروفك بقا وشطارتك ووقتها هتتطر انك تجادل علشان الزحام علي عربيات توزيع الوجبات ( باتيه وعصير ) تحت درجة حراره لا تقل عن ٥٠ درجة .. ربنا كرمك وعديت يوم عرفات علي خير بعد تعبت وارهاق ودعاء ورايح علي مزدلفه طبعا مفيش فى طريقك غير مياه فقط مفيش اكل نهائياً غير وجبات ( عصير وباتيه ) ويا عالم هتقدر تاخد ولا لا بدون جدال علشان حجتك الحج الرسمي عندك وسيلة مواصلات بتاخدك علي حسب خطه التفويج وبتروح بيك على مزدلفه وبتوفرلك مكان داخل الحدود تبات فيه ووجبه عشاء وتشحن تلفونك فى الباص الغير رسمي حضرتك هتاخدها مشى من عرفات الي مزدلفه تقريباً ١١ كيلو بعد عناء طول اليوم في الشمس وفي الاخر ممكن متقدرش تبيت داخل الحدود بتاعت مزدلفه والعلماء قالوا ان مرورك من مردلفه يكفي ومفيش في سكتك غير مياه فقط ووجبات بتتوزع لو فيك صحه لسه ادخل جادل علشان تاخد واجبه ( باتيه وعصير ) وتلفونك فاصل مش عارف تتواصل مع حد
بعد صلاه الفجر فى مزدلفه هتطلع علي مني لرمي جمرة العقبة تقريبا ٧ كيلو الحج الرسمى انت عندك حاجتين قطار المشاعر وباصات الحملة معزز مكرم ولو تلفونك فصل هتقدر تشحنه
الغير نظامي عندك طريق واحد وهو انك تاخدها مشي او لو ربنا كرمك وطلعت عند الباصات ممكن تركب بمبلغ وقدرة بردو وده بنسبه قليله علشان تحصل مع حد وتلفونك فاصل
وصلت بالسلامة للجمرة الكبرة بعد رحله مشقه كبيرة علي الحجاج الغير نظاميين طبعاً اكتر من الحجاج الرسمي وعاوز تروح علي سكنك الحج النظامي انت معاك الباص هتتقابل في نقطه التجمع وتطلع علي السكن بتاعك معزز مكرم الحج الغير نظامى انت هتطلع من الجمرات على طريقين ياما بن داوود الشيشة ياما شارع صدقى وهناك الاستغلال بيلعب معاك لعبه صعبه اوي مابين انك تعبان وعاوز تروح ومابين ان اغلب التاكسي بيطلع علي الحرم فقط واقل شئ ٢٥٠ ريال الفرد وشوف انت بعد كدا سكنك فين
خلصت طواف الافاضه وعندك ٣ ايام تشريق محتاج انك تعمل الواجبات بتاعتهم علي اكمل وجه
الحج النظامي هنا درجات في درجة بتوفر ليك مبيت في مني ودرجة تانيه لا بتوصلك ترمي الجمرات وترجعك للسكن والمبيت في مني فيه اكتر من فتوي وده مش قصتنا دلوقت
الحج الغير نظامى حضرتك تطلع كل يوم من السكن معرض لاستغلال التاكسي علشان ترمي الجمرات وتروح ومعظم الناس بتبات في الشوارع ايام التشريق بحجه انه واجب المبيت في مني وده بيعرضك للهلك بصراحه
ده بأختصار شديد الفرق بين الحج النظامي والحج الغير نظامي
وكل واحد عارف مقدرة نفسه في شباب تقدر علي المشقه وتقدر تتصرف وفي ناس معاها فلوس تقدر انها توفر لنفسها سبل الراحه في الحج الغير نظامي وامورها تمشي كويسه نوعاً ما وفي ناس بايعه اللي حيلتها واتخدعت في شركات السياحه وطلعت معاها حج الزيارت علي اساس انه هيوفر لهم سبل الراحه
الوضع اللي شوفته لازم كل واحد يراجع نفسه كويس اوي قبل مايطلع حد مسن او صاحب مرض او حالته المادية علي قدها حج غير نظامي محدش يقدر يمنعك عن بيت ربنا بس خد احتياطاتك كويس اوي واسمع كلام ربنا ( ولا ترموا بأيديكم الى التهلكة )
الناس ميته في الشوارع في عز الحر الناس نايمة فى الشوارع مش لاقيه تاكل الناس تايهه ومن كتر اللف وقعت في الارض اللي ناسي علاجه ومش عارف يروح اللي مش معاه فلوس ولا تلفون ولا اي شئ يثبت هويته ولا حتي رقم لأهله فى بلده
لازم قبل ماتطلع تكون موفر جميع سبل الطوارئ ليك او لحد من اهلك انت بتطلعه
١- فلوس بزياده اوي
٢- تلفون كويس
٣- باور بنك
خلاصة الكلام الحج لمن استطاع اليه سبيلا من حيث ( المقدرة البدنية – المقدرة المادية
