محافظات
الدكتور حسن الخولى ” الهيئة العامة للطرق تطلسق طريق الموت بأشمون فى محافظة المنوفية
محمد عنانى
الدكتور حسن الخولى ” الهيئة العامة للطرق تطلسق طريق الموت بأشمون فى محافظة المنوفية
قال الدكتور حسن الخولى رئيس مجلس أمناء التعليم بمحافظة المنوفية فى بيان له صباح اليوم وتم نشره على صفحته الخاصة ” فيس بوك “
أن الهيئة العامة للطرق بالمنوفية تضرب بكلام معالي المحافظ عرض الحائط ولا يصح رصف طريق 23 ” أشمون – كفر السيد – سمادون ” والمعروف بطريق الموت حيث يتم الأن رصف الطريق بالمفهوم البلدى “الطلسقة في عملية الرصف واهدار مساحة الطريق
وأشار الخولى فى البيان أنه لا يصح أن طريق بين ترعتين يترصف بعرض 5 متر في مناطق كتيرة جدا منه وعدم وجود حواجز خرسانية وبالرغم من وجود إشغالات ووسع علي الناحيتين وينفع توسعة الطريق مترين ثلاثة كمان بحجة الميزانية ..
ميزانية إيه والناس بتموت وبتغرق في النعناعية كل شهرين ثلاثة حادثة وآخرها الشباب اللي زي الورد أطباء ومهندسين هيا أرواح الناس تساوي ميزانيات الدولة كلها ..طبعا بعد مترصف الطريق حتة شريط صغير منه والسرعات الجنونية
وخصوصا للسيارات السوزوكي والموتوسيكلات واللي بيسوقها صبية صغار هتزيد الحوادث ..طبعا ناهيك عن عدم وجود حواجز خرسانية واللي سمعنا أنهم هيجيبوا شوية للمنحيات من سنتريس طب الشوية دول هيكفوا إيه ولا إيه ..
معالي المحافظ
صرح إنه هيتم عمل المصدات للطريق كله بطول 11 كم وطبعا الناس اللي بتقول مسؤولية مجلس المدينة مجلس المدينة وظيفته إشرافية وبينفذ تعليمات ومربوط بموازنة مش من عنده …طيب نص الهم ولا الهم كله ..أستقيموا يرحمكم الله ..أرواح الناس مش لعبة …
أفكركم بموقف فعله الرئيس البطل عبد الفتاح السيسي رئيس الجمهورية ..بعد غرق معدية القطا من شهور قلب الدنيا رأسا علي عقب والمحافظ راح والدنيا انقلبت وكلف الريس الهيئة الهندسية للقوات المسلحة وكل الأجهزة لعمل محور القطا الصحراوي وكذلك عمل كوبري موازي علي فرعي النيل وتم توصيل الخدمات كلها بعزبة التفتيش بطليا …
يا سادة عاوزين مسؤولين بقوة وحسن تصرف وسرعة رئيس الجمهورية في اتخاذ القرارات مينفعش الريس تبقي سرعته 1000 كم في الساعة وعندنا مسؤولين بيزحفوا لسه …اللهم هل بلغت اللهم فاشهد ..دكتور حسن الخولي رئيس مجلس أمناء المحافظة ومساعد أمين حزب الشعب الجمهوري بالمنوفية
..
