انا طفلة
بقلم الأديبة والشاعرة جيهان موسى الصياد
ومن حقى أعيش
ومن حقى اصرخ وابكى
واعبر عن صوتى ووجعى
واتكلم
وانادى العالم يسمعنى
ويشوف ايه اللى بيحصلى
انا عايزه اكون طفلة عادية
واعيش مع ابويا ومع امى
والعب مع اخويا ومع اختى
وانام فى ديارى ومرتاحة
ومن ضرب النار وهدم الدار مش خايفه
انا عايزه اعيش فى امان مع اهلى
بعيد عن أى حروب ودمار يحطمنى
وأروح مدرستى واتعلم وأمسك قلمى وكراستى
واحلم واحقق حلمى
ويا أصحابى ومعلمتى
وافرح والعب وأجرى
واحس فى يوم بطفولتى
ازاى راح يجى اليوم
ويتحقق حلمى
والعالم شايف دمنا سايل تحت الأنقاض
ومافيش انقاظ لينا ياربى
مين يرحمنى مين هيرجع ارضى وعرضى
وين اراضينا وين اهالينا
تحت الأنقاض والباقى
مسحول فى سجن الاعداء
ارحمنى يا ربى
