اهداء .. الى كل المناضلين فى فلسطين و لبنان الى كل الشهداء الذين سالت دمائهم رجال و نساء و اطفال من اجل الحريه و من اجل الوطن قصيدة … ( قومى يا بلد ) بقلم / الاعلامى الدكتور مجدي كامل الهواري .

اهداء ..
الى كل المناضلين فى فلسطين و لبنان الى كل الشهداء الذين سالت دمائهم رجال و نساء و اطفال من اجل الحريه و من اجل الوطن

قصيدة …
( قومى يا بلد )
بقلم / الاعلامى الدكتور مجدي كامل الهواري .

يا ام الديار ..
يا عمر الصغار ..
يا ساحة عمار ..
و حلم جميل ..

يا طير فارد جناحه …
يضم زاير و زوار ..
ساعد ولدك شد ..
من ضرب الحديد و النار .
و زاد عدوه عذابه ..
صرخ يا ام الديار .
قومى ..
صلى ..
أدعى …
يمكن دعوه منك تصيب ..
يرحل عدوك ..
يرجع ولدك ..
يضم ترابك لصدره ..
تجرى الدموع انهار …
و من بين ستاير دمعه يصرخ …
يا ام انا كنت غريب ..
كنت تايه فى الطريق ..
كنت عايش من غير صديق ..
شفت العذاب الوان ..
شفت اخويا ابن امى و ابويا
بيموت غريب ..
و لحظة موته ..
ضميته ضمه ..
قالى كلام مكسور ..
بيشق الصدور ..
قالى ارفع ..
ارفع جسمى عن التراب..
و امشى بيا وسط الذئاب ..
وصلنى بلدى ..
و هناك .
هناك هعرف طريقى تحت التراب …
مهما كان عذاب قبرى ..
هيكون اهون من عذابى فى بلدى ..
أمانه حملتهالك ..
لو شفت القدس و الاقصى ..
امسك ريشة رسام …
و بدمى و بدم اخويا الشهيد ..
اكتب ..
اسمى و اسمه ..
فلسطين ..
سكت اخويا مكملشى الكلام ..
انحنى عودى من رهبه الموت ..
و فى لحظة لقيت اليهود قدامى …
رشاش و مسدس و مدفع آلى ..
صرخ عبرى بالعبريه قالى ..
سلم عبد عندى و ارحل عنى ..
صرخت لاء .
الصرخة ماتت وسط الرصاص ..
قتلوه تانى بعد ما مات ..
قتلوه تانى بعد ما مات ..
شلته مقسوم اتنين ..
و انا عارف رايحين فين .
رايحين بلد ..
عاوزه ولد ..
يصرخ تقوم البلد .
قومى يا بلد ..
قومى يا بلد …