حدود غايبه
بقلم/نشأت البسيوني
في اوقات معينة الإنسان بيصحى على احساس غريب إن حدود حياته مش هي اللي شايفها ولا اللي عرفها طول السنين تكتشف فجأة إنك كنت محصور جوه إطار أضيق من قدرتك وأوسع من حاجتك وإنك كنت ملتزم بخطوط مش انت اللي رسمتها ولا انت اللي اخترتها ومع ذلك عشت جواها وكأنك مش مسموح لك تخرج ولا حتى تشكك فيها الحدود الغايبه مش اللي بنعرفها بالعقل لكن
اللي بنحسها بالروح حدود ما لهاش شكل ولا قانون ولا علامة واضحة لكنها موجودة كعقبة صامتة تمنعك من انك تكون النسخة اللي كان ممكن تبقى عليها لو سمحت لنفسك تجرب من غير خوف وتتحرك من غير إذن وتغلط من غير ما تحاسب نفسك بقسوة
ومع الوقت تلاحظ إنك ما كنتش محتاج موافقة من حد علشان تكبر وإن الحدود دي مش مبنية من واقع لكنها مبنية من خوف
وخبرات قديمة وكلام اتقال لك في وقت انت كنت فيه أضعف من إنك ترد أو تدافع أو توقف اللي بيترسخ جواك لكن اللحظة اللي تبدأ تشك فيها في كل اللي اتعودت عليه هي نفس اللحظة اللي الحدود الغايبه بتبدأ تتكسر فيها من غير ما تبذل مجهود كبير مجرد انك تسأل نفسك ليه ومجرد انك ترفض تكمل بنفس الطريقة هو في حد ذاته ثورة صغيرة بتغير اتجاهك كله تكتشف إن الحدود الحقيقية
الوحيدة اللي تمنعك هي اللي انت مصدق إنها حقيقية وإن المساحات اللي كنت خايف تدخلها كانت مستنياك من زمان وإن الحياة أوسع بكتير من الغرفة اللي قعدت فيها سنين بتفتكر إنها العالم كله
