خلص الكلام
كتبت /دينا هلال
خلصت واتكلمت وقلت كل الكلام طيب يلا لم الدور ويلا نعيش بسلام لو انت ناوي على الخصام قول قول ما تعملهاش حوار هرجع اقول لك ثاني يلا نعيش بسلام .
ما احنا الاثنين واحد واخطانا بتكون واحده ما اللي بيعيبك يعيبني وصورتي هي صورتك واسمي هو اسمك ما انا اسمي مربوط باسمك ولا نسيت دي كمان ما اللي بينا مش عشره يوم ولما اقول انك عارفني فعلا كنت ساذجه.
انا اللي بيقولوا عليها الهبله كلمه تجبر بخاطرها وكلمه تنحكش يومها طيب اقول لك بلاش تسامحني وبلاش اسامحك ويلا نقفل الكتاب.
اللي كان نفسي يكون اوله عتاب ونهايته سلام سلام الاحبه بيكون مش خصام بتكون كلمه حلوه وضحكه وطبطبه على الروح وانا روحي مجروحه دايما من القسوه من الجحود ما هي دنيا دايره بتلف دروسها ديما بيكون بدموع.
بتلف دايما بدموع غريب غريب عايش في الدار.
غريب عايش فى بلد غير بلده وهي دنيا .
اهي دنيا وماشيه مين فينا عارف مين مجروح ومن الفرحان ما هو كله في الاخر لاسم ضحكه على الخدود شايفينها كلها افراح
