(زمن عجيب)
زمن عجيب ودنيا غريبة
كل يوم نسمع حكاية
عن أطفال متشردة
لا ليها بيت ولا ماوي
وحياتهم صعبة مهددة
ولا عن عقوق الوالدين
الابن بقى يرمي أمه وكمان أبوه
الناس خلاص قلوبها جاحدة
والأخ خان ثقة أخوه
فين السند في زمن الفتن
الضهر انكسر والقلب اندفن
ومافيش عكاز نسند عليه
دورت كتير على ناس أصيلة
ملقتش فيهم غير الندالة
يبيعوا فيك ويشتروك
بالرخيص من غير أمانة
زمن عجيب ودنيا غريبة
ناس بترفع في الواطي والعالي
دايمًا تهد فيه
الحق صعب تسمع له كلمة
والباطل كلامه تردده
كأنه عهد مكتوب عليه
الناس بقى ليها الحاضر
والغايب ذكرى وبينسوه
الشكوى لغير الله مذلّة
والظالم له يوم
ظلمه راجع تاني ليه
وساعتها هيسدّ الدين اللي عليه
وجع. فراق وألم وحسرة
من اللي غيره حسّ بيه
بقلمي جيهان موسي الصياد
