مقطع من قصيدة “”شمعة الحق “”من ديوان نكول كلمتي
علَى مَنَاوَلْ لَقْصِيدَة
سَدّيتني قْوافِي
مَدّيتْ يِدّي لَخْلالَة
وعَاودتْ خَرقْتِي منْ لَبْدايَة
نْوِيتْها غِيوانْ
فْحَلْقَةْ جِيلالَة
وْ كَنتْ حَالْمَة
يحْمَل لْوَادْ
وْ نَسْقِينِي مْتُونْ طَوّالَة
يَتْلاكَ خَطّي مْعَ خَطْ اللْوَالة
ؤْ نَجْنِي فَرْحَة مْدَاوْمَة
نْعِيشْها عَلْ الدْوام
عَوالَة عْلِيكْ أ حَرْفِي
تَنْطقَ كَلْمَةْ الْحَقْ
تْكُونْ اسْفِينةْ لَحْلاَمْ
وبْياضِي اِيزَارْ السلاَمْ
عَوْالَة
عْلَى اللّيف واللاّم
امْدادْ فَكْتابِي جَوّالْ
وفاء أم حمزة ج
ح.خ
