(صرخة أم ) بقلم… جيهان موسى الصياد
كانت بتبكى
بتقولى أبنى
كان حتة منى
فلذة كبدى
كنت يتمناه يجيلى
وبحلم بيه ينام فى حضنى
كنت بصلى ويدعى ربي
بقول يارب اديني أبنى
هدية منك ويبقى سندى
وحملت فيه تسع شهور
كنت بتعب وأصبر نفسي
وألمي يهون عشان أبني
وبعد الولادة شهور تعب
وسهر ألليالي وألرضاعه
اخدت حنانى كتيير ليالي
واول كلمة قالي ماما
ومسكت أيده ومشيته تاتا
وسنه طلعت وفرحت بيها
وعيد ميلاده كان ألسعاده
وكبر في حضني حبه حبه
وانا كمان كبرت زيه
وشعري شاب وانا له بربي
فرحت بيه وقلت راجل
هياخد بأيدي ويتحمل سنى
ويساعدني وكمان يعيني
لكن أبني أتخلي عني
وقالي خلاص كفايا يا أمي
مبقتش محتاج منك نصيحتي
خلاص انا أخترت طريقي
ومتزعليش مني يا أمي
صرخة ألأم وقالت
يا خسارة يا أبنى
هو ده أخرة صبري
جيهان موسى الصياد
