عادي ….
عادي الكلام يكثر
عادي كولشي يهضر
عادي طلوع الفجر
عادي العين تبصر
لي يعجب ويضر
عادي السما تمطر
تمسح ريحة الغدر
تنبث حنة وزهر
عااااادي…
طعنة فالظهر
ولا ݣاع ضحكة.
ههههههه!!
لونها.. اصفر
شوفة مغروسة ف الشفر
عااااااادي….
سلام ينقص العمر
كلمة تقتل الصبر
نقطة تلف السطر
نغمة حزينة بلا وتر
عاااادي …..عادي
فرحة قاسية حجر
دمعة فوق الخذ تحفر
صاحب يفضح السر
عاااادي….
ولا ماعادي
هذا زمان …
لاتلوم …لا تبالي
عيش هاني وفرادي
تمشي مع الريح فين غادي
عادي….عاداااادي
