قصة قناة
من أشعار خالد الجمال
من مسرحية قصة قناة وفي ديوان ( خارج الزمن ) لخالد الجمال
🇪🇬🇪🇬🇪🇬🇪🇬
مصر أمة جيل وجيل
تبقي حمة ع العميل
شعب منه جيش أصيل
نوره دلتا ونهر نيل
🇪🇬🇪🇬🇪🇬🇪🇬
قبل التاريخ ما يكون تاريخ
أسرة أولي لأسرة تانية
إدريس وعلمنا الهجاء
علمه كان لينا دواء
🇪🇬🇪🇬🇪🇬🇪🇬
أسرة تالتة لأسرة ستة
اهرامات فوق في السماء
زوسر سنفرو خوفو خفرع
فن وشموخ فوق الفضاء
🇪🇬🇪🇬🇪🇬🇪🇬
أسرة سابعة لأسرة عاشرة
الخلاف بينهم عنيد
وانحني وسط الوليد
شعب سلم للعبيد
🇪🇬🇪🇬🇪🇬🇪🇬
موت يا قمح ف الأراضي
الخضوع ساكت وراضي
والعقول مفهاش عقول
لما تسيب العقل فاضي
🇪🇬🇪🇬🇪🇬🇪🇬
بعد الخصام كان الرخاء
لكل داء نلقي الدواء
وارتحل عنا البلاء
وروسنا تعلا في السماء
🇪🇬🇪🇬🇪🇬🇪🇬
امنمحات قاس وحسب
كل الكلام عليك يا نيل
ما أنت الحبيب واحنا النسب
وأنت العروق وأحنا العصب
🇪🇬🇪🇬🇪🇬🇪🇬
افتح كتابك يا تاريخ
عرفهم اللي كان هنا
سنوسرت قائد يا حكيم
يا موصل البحر الكريم
🇪🇬🇪🇬🇪🇬🇪🇬
سيزوستريس رايحة السويس
تحلم بمكنة الدريس
سيزوستريس عاشقة الهويس
عروسة النيل العظيم
🇪🇬🇪🇬🇪🇬🇪🇬
عمرو عدي باليقين
بقناة أمير المؤمنين
والنيل يبين ضحكته
يحضنها موجه بالحنين
🇪🇬🇪🇬🇪🇬🇪🇬
عرابي والتل الكبير
دم الشهيد زي العبير
عطر دروبك يا بلد
مسألشي أيه يبقي المصير
🇪🇬🇪🇬🇪🇬🇪🇬
الحياة بتعود ضلام
أماني ضايعة في الكلام
غمة وهلت ع البلد
انجليز مسكوا الزمام
🇪🇬🇪🇬🇪🇬🇪🇬
ديلسبس قام ولعها نار
قال مفيش غيرها خيار
والباشا قاعد في انتظار
لحظة خروجك يا قرار
🇪🇬🇪🇬🇪🇬🇪🇬
سعيد وزين بور سعيد
الفرما في توبها الجديد
والسويس مفيهاش عبيد
غضبها سيح الحديد
🇪🇬🇪🇬🇪🇬🇪🇬
بعد ما لاح فينا البريق
إسماعيل ألغي الرقيق
والمراكب في الطريق
قناتنا ما تعرف شريك
🇪🇬🇪🇬🇪🇬🇪🇬
يمشي زمان يهزنا
يشد فينا يهدنا
مصطفي كامل كان ولد
صحي وفوق شعبنا
🇪🇬🇪🇬🇪🇬🇪🇬
الموت يلاحقك يا فريد
ياللي قولك كان سديد
سعد قام وقالها كلمة
شعب مصر كان عنيد
🇪🇬🇪🇬🇪🇬🇪🇬
في انتظار الملحمة
جمال وخدها مضلمة
وشطي داق طعم الهنا
بإرادة باينة معلمة
🇪🇬🇪🇬🇪🇬🇪🇬
قبل ما يطول الزمان
الفرح سابك يا مكان
خمسة يونيو والألم
مد الإيدين هد الكيان
🇪🇬🇪🇬🇪🇬🇪🇬
الملاحة اتوقفت
والقناة استسلمت
والهزيمة علمت
في النفوس أكبر علام
🇪🇬🇪🇬🇪🇬🇪🇬
تغرق قلوبنا في الألم
والحلم لسه ما اكتمل
أمتي نرفع الهمم
وسينا يحضنها العلم
🇪🇬🇪🇬🇪🇬🇪🇬
تحية للجندي البطل
شامخ وفيه كل الشيم
أكتوبر جلنا بالأمل
بإرادة سطر القيم
🇪🇬🇪🇬🇪🇬🇪🇬
خمسة وسبعين كان الكلام
مرت سفنا بالتمام
لما طهرها السادات
وعاد لمصرنا الثبات
🇪🇬🇪🇬🇪🇬🇪🇬
عزيمة فاتت في الحديد
صحت في مصر جيل جديد
ولادة يا أم الوليد
بزند فايت في الحديد
🇪🇬🇪🇬🇪🇬🇪🇬
من الفرافرة للفيوم
في الوحات الخير يدوم
مصر راية الأصول
شعب عاشق الوصول
🇪🇬🇪🇬🇪🇬🇪🇬
مد ايدك يا ولد
بخير وغرق البلد
مصر عايشة بحسكم
لما تكون ليها السند
🇪🇬🇪🇬🇪🇬🇪🇬
رايحة فين يا امنا
عن دياركم راحلة
ليه تغيبي عننا
وأنت روحنا ودمنا
🇪🇬🇪🇬🇪🇬🇪🇬
ازاي اعيش وسطكم
بعد ما بعتم دمكم
نبحت صوتي بقول لكم
أوعوا تعيشوا في الأنا
🇪🇬🇪🇬🇪🇬🇪🇬
يا امنا يا امنا
أنت حياتنا كلنا
قولي يا نبض عمرنا
أمتي هترضي عننا
🇪🇬🇪🇬🇪🇬🇪🇬
شوفوا اللي ناقص منكم
واللي تعطل عندكم
نفسه يعدي بركم
والخير يغرق بحركم
🇪🇬🇪🇬🇪🇬🇪🇬
يمشي زمان بعد زمان
مميش وصور المكان
شق القناة شاف الزمان
شعب صدق ع الكلام
🇪🇬🇪🇬🇪🇬🇪🇬
السيسي قال هي سنة
وقناتنا تبقي معلمة
والتاريخ يشهد لنا
وزمانا يحكي الملحمة
🇪🇬🇪🇬🇪🇬🇪🇬
قوم يا تاريخ اشهد لنا
واكتب كتابك من جديد
بصبرنا وبعزمنا
وإرادة تنفد في الحديد
وإرادة تنفد في الحديد
🇪🇬🇪🇬🇪🇬🇪🇬
شعر خالد الجمال
من مسرحية قصة قناة
لخالد الجمال
