قصيدة ( أمي )
من ديوان خارج الزمن لخالد الجمال
( أمي )
مهما طال العمر بيا
أو بنيت نفسي بأديا
بدنيا لينا مش علينا
محتاج حنان يشد فيا
……
أمي حب يدوب ف حب
يا حبيبت كل قلب
قلب صافي حس بينا
حب يملأ الدنيا حب
………
بشوف في عينك السماح
ضحكة حلوة ف الصباح
في الصلاة تدعي ولينا
دعوة تهدينا النجاح
………
حب أمي نور سكني
ضي نوره روح تغني
والورود تضحك تجينا
لما انادي اقول يا أمي
. . …….
قلب ساهر أيد تضم
حب طاهر روح تلم
منا أيامنا الحزينة
والقي أمي أحلا أم
……..
ألف أه وأه يا أمي
ياللي حبك سيل في دمي
يغسل الدنيا اللي فينا
تدي فرح وتخدي همي
………
مهما طال العمر بيا
أشد فيه يشد فيا
بكل رحلة تشوف عنية
واعرف الناس اللي بيا
أمي حب الدنيا دية
أمي حب الدنيا دية
…….
الأديب الشاعر والسيناريست خالد الجمال
من ديوان خارج الزمن
