قصيدة حب
بقلم د/صبرين محمد الحاوي
قصيدة حب مكتوبة
بحبر قديمة ومنسية
وفي الشباك… مرمية
وكان عنوانها رومنسية
ولما حاولت اقرأها..
عليها تراب ملي ايديا
وعنوانها اللي كان مكتوب رومنسية
وقصة حب بين اتنين وفيه
قسية وحزن ودمع كان في العين
سقي الورقة
وجفت بعد ما سقاها
ودمع العين جه في الأحبار
وقال الحب
فيه أسرار وتعيش الجنة
جوه النار
الجنة هي سعادتك بيه
وناره عذابه بعد الفراق
ما بين إتنين كانوا أحباب
تعيش لحظتها في استغراب
كأنه ذنوب بكشف حساب
وجنة الحب ليها بواب
وجاب أقفال وقفل الباب
وقالك روح ما جناش أحباب
يا شاطر الحب أصله
سراب بيلعب بيك وله أسباب
عشان صدقته وامنتله
ولما نداك قوام رحتله
بكل براءة كدا قلتله… يا هلا بيك
ماكدبتوش
وفي آخر القصة كان مكتوب
قدرك فراق
بعد الأشواق ضياع العمر
قصة حب
قصيدة حب تروي
دموع تقول القلب عاش مخدوع
في وهم كبير كان اسمه الحب
وهو سراب وفيه بواب
وجاب اقفال وقفل الباب
وكان الحب أصله سراب
ياريتني ياريت
ماكنت قريت ولا التراب ملي ايديا
في قصيدة حب منسية
وفي الشباك مرمية
