قصيدة (كفة شعب) عن ثورة ٣٠يونيو
بقلم؛ الشاعر سيد البالوي
وتعودي يا ثورة ونتصور جنب الأبطال
ونحاكي ونحكي ل ولأدنا عظمة أجيال
عن حامي مصر وقائدها بطل الإنقاذ
رجل الإنجاز صانع الإعجاز
وجنبنا ويل الأخطار
مشكور يا رئيسنا
بوجودك لبلدنا حضور
بقواعد قوة وتسليحنا وبناء وعمار
وتحول رقمي وحضارة فى كل الأمصار
أصبح لوطنا فى كل صباح
شمسين طالعين شمس اللي جديد
وشمس التجديد
وطرق وكباري وسكة حديد
وقوة دولة كادت تنهار
بقوائم مرضى وضرب ونار
وقلة حيلة مع الأشرار
إلى دولة عظيمة هى الأقوى
فى اديها أمانها ومالكة قرار
وأهى منها الدنيا بتتعلم
إن فى ثلاثين اختارنا مسار
وثقافة مصر كانت حاضرة
مع وعي الناس
احنا بنتذكر ونتشكر كل الأبطال
وبنرجع تاني وبنذكر اوعى الإبطال
اوعى التهميش اوعى التضييق
اوعى استصغار اللي يفكر
ما هو ترك الأمه كمساحة واسعة وفارغة
ادى الأفكار الهدامة فرصة تنموا
تكبر وتتضخم فى قلوب ناس
بدل الشاعر بدل الفنان
بدل المبدع بدل الإنسان
أصبح تكفيري ومتطرف
هدام أوطان
اوعاك تعطي الفرصة لنخبة
وتحرم ملايين
كتر الحرمان زي البركان
يفضل خامل لكن بيقوم
وفى وقت الجد لا فيه نخبة
ولا فيه أحزاب ولا فيه وزراء
ولا فيه غير شعب
يا يكون وياك يا يكون ضدك
والكفة الراجحة كفة شعب.
