لسه الخير موجود
بقلم الأديبة والشاعرة جيهان موسى الصياد
طول ما فيه لسه ضمير في الناس
وحب ما بينهم وإحساس
لما الاخ يحس بأخوه
ووقت الشدة الأصل يبان
يلا تعالو نساعد بعض و. نعين بعض فى وقت الشدة
الجار الطيب يسأل عن جاره وان احتاج مساعده
يقف جنبه من غير ما يطلب ولا يحتاج
فعل الخير مش محتاج أنه يبان
ده في السر حسنه عظيمة اضعافها كتيير عند الرحمن
اوعي تقول اللي محتاجه البيت يحرم علي الجامع
ده مثل قطع الارحام انت اتصدق واعمل خير وإحسان
هتلاقي اضعافه اجر كبير ورزق كمان
صدقني يا صاحبي كنز المال مش نافع صاحبه
عمل الخير هو اللى فاضلة وقت لما بيسكن قبره
سؤاله ساعتها مش هيكون معاك كام
اازرع شجرة قدام بيتك بكرة هتكبر وتطلع ثمرة الكل هياكل منها ويدعيلك
طلع من جيبك وساعد غيرك
المحتاج والمساكين والأيتام وربك بيعين
فيه ناس كتير شقيانه
حالتهم صعبه وتعبانه
في برد الشتاء مش لاقين حاجه تغطيهم وتدفيهم
وكمان ولا لقمه تشبعهم
ازاي بتنام من غير ما تفكر ولا يوم فيهم
ده الرسول والقرأن وصانا عليهم
ولا نسيتم اركان الاسلام
والزكاة والإحسان
يلا مسلم يا موحد ربك
اسال عن جارك وصل رحمك
اوعي تقطع صلة الأرحام
بر ابوك واخوك واختك
اوعي تنسي فضل ابوك ولا فضل امك
هما كتير ربوك وشالو ياما عنك همك
اوعاك في يوم عليهم تتكبر ولا تنسي مين شالك
ومين رعاك ومين حضنك
واوعاك في يوم تنسي ولادك
ولا تفكر تبعد عنهم
هما الفرع وأنت الشجر ه اكيد من غيرك
اوراقهم ناشفه وهيتكسرو ا في كل مكان
خلاص الزمن يا ناس اتغير واحنا كمان لازم نتغير
ونساعد بعض ونكون عزوة وايد واحدة
عشان المركب متغرقش والكل يكون خسران
