لماذا يتم استغلال الأطفال كسلاح للضغط على الاب أو الأم في حالات الطلاق؟!
لماذا يتم استغلال الأطفال كسلاح للضغط على الاب أو الأم في حالات الطلاق؟!
لماذا يتم استغلال الأطفال كسلاح للضغط على الاب أو الأم في حالات الطلاق؟!
كتبت د : امال ابراهيم
استشاري العلاقات الاسرية
كيف تتحول الحب والغرام الي معارك ضارية يدفع ثمنها فلذات قلوبنا … ليه لو مفيش نصيب نكمل مع بعض يبقي بالضروره الاب يتعاقب بالحرمان من رؤية بنته أو ابنه ليه الاب المقتدر يعاقب الام بحرمان الأبناء من مصاريفهم الضرورية من أكل و شرب و لبس و دراسة ليه لازم يكون تشويه سيرة و سمعة الطرف الآخر عند الاطفال جزء من الحرب من غير مانحسب لما يكبروا هيفكروا ازاي في الموضوعات دي
و ليه أصلا لازم تكون حرب و خسائر نفسية
ليه الأهل بدل ما يكونوا الطرف الرشيد الي بيصلح و ينصح بالأصول بيكونوا الوقود الي بيزيد نار اشتعال الخلافات دون النظر للأبناء انت عارف العناد و الكره ده هيعمل ايه في الاطفال و شخصيتهم و مستقبلهم؟
هيكبروا وهم شايلين جواهم خوف…
خوف من الارتباط أصلاً. خوف من إن أي علاقة في الدنيا مصيرها يبقى كده.
هيكبروا وهم متلخبطين…مش عارفين يثقوا في مين، ولا يصدقوا كلام مين،
لأن كل طرف بيحكي رواية مختلفة ويطلب منهم يختاروا معسكر.هيكبروا وهم حاسين بالذنب…كأنهم هم سبب المشكلة، أو كأن حبهم لطرف خيانة للطرف التاني.
الولد ممكن يكبر وهو شايف إن القسوة هي الطريقة الوحيدة عشان ما يتكسرش.
والبنت ممكن تكبر وهي فاقدة الأمان في أي راجل… حتى لو كان أبوها نفسه ضحية.
والكارثة الأكبر…إن العيال دي لما تكبر، ممكن تعيد نفس السيناريو من غير ما تحس.
نفس العناد، نفس الهروب، نفس الحرب.
انت ممكن تستغل كل تفصيلة… وكل ثغرة في القانون لصالحكفي حربك مع طليقك أو طليقتك عشان تكسره وتذله.لكن الحقيقة إنك في اللحظة دي مابتكسرش الطرف التاني بس…إنت بتكسر جزء من نفس ابنك أو بنتك.لأن العيال مش أرض معركة… ولا غنيمة حرب.مع إن الحقيقة أبسط من كده بكتير…الانفصال ممكن يحصل، والنصيب ممكن يخلص، لكن الأبوة والأمومة عمرها ما بتنتهي.
الأم هتفضل أم…ولها دور لا يمكن اقصائها ودورها في السنين الأولي مهم جدا
والأب هيفضل أب…وجودة ودورة بيعمل توازن نفسي للطفل وهو القدوة الموثرة
والعيال مش لازم يكون وقود المعارك الخاسرة ، ولا غنيمة حرب.يتم استغلالهم للتأثير علي الطرف التاني نفسيه اولادك تخليك تفكر أكثر انت بتحبهم ولا بتحب نفسك لانك لو بنحبهم دايما هتتنازل وتعدي علشان يعيشوا حياة أكثر استقرارا مش مهم مين الكسبان صدقني المعركة دي الكل بيطلع خسران بس الخاسر الأكبر للاسف الاطفال اللي هم أمانة…وأكتر ناس بتدفع تمن كراهية ما كانتش طرف فيها أصلاً.
يمكن أعقل قرار بعد الطلاق…
مش إنك تكسب المعركة لكن أن تسعي أن توفر لهم بئية امانه حتي لو ده ضد رغباتك الحب الحقيقي أن توفر احتياجات اطفالك مش تنفذ عقوبة للطرف الآخر
