الشعر

شحال من وتاد..بقلم الشاعر الإدريسي رحال

شحال من وتاد

ف راس الراس

أنا الشجرة بلا عواد

و الجلد الميت تقراس

انا الليكََة ف حلق الموت

انا الشبكة خانوها لحراس

ما جمعت تبني من كََاعة

كََرمومة ب حبها لي تساس

أنا السبول ف جلامد الوقت

صفيها كيف ل ماه داس

أنا لغبينة من عضة اللسان

الكف يضرب الكف…

و لاباس لاباس

انا الفم لي شكى ضيمو

انا الدمعة لمنهدة نخصاص

لا تسال على ولتيم عجاجة

الزرب لمزرب ولا امريرة الناس

هاك يا حنكي طرشة زايدة

وحدة مكمولة و الثانية ب لقياس

تفيّق راكََد الوقت من إيفري

الفايق معدود من غرق النعاس

الإدريسي رحال

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى