رسائل الرئيس السيسي فى إفتتاح مشاريع الإسكان
نيفين ناصر تكتب متابعة عادل شلبى
فى خطوة ضمن خطوات الدولة للتخلص من العشوائيات وتوفير مساكن آمنة للجميع
كانت رسائل الرئيس السيسى فى افتتاح مجموعة مشروعات اسكان بديل المناطق غير الآمنة بستة اكتوبر ..
بناء 500 ألف وحدة سكنية
نخطط لبناء 500 ألف وحدة سكنية فى المحافظات لمواجهة بناء غير مخطط..وخلوا بالكم الـ 500 ألف وحدة سكنية بكام؟!.. الوحدة بـ 500 ألف جنيه يعنى كام.. يعنى 250 مليار جنيه.. ولما نعمل مليون وحدة يعنى 500 مليار جنيه.. والموضوع مش اقتصادى خالص..
الحكومة بتعمل زي ما الكتاب بيقول
بنعمل اسكان من 3 لـ 4 أدوار.. وبنعمل حظائر لكل شقة لمن يرغب فى تربية الحيوانات.. فيه مكان جاهز مع الشقة.. علشان تعرفوا جادين فى اننا نوفر للناس ..
مشروعات الإسكان اللى بنعملها متكاملة.. مش على الطوب الأحمر.. مفيش حد بيعمل كده الا الحكومة ومفيش مطور عقارى بيعمل كده الا في حالات معينة.. الحكومة بتعمل حاجة كاملة وزى الكتاب ما بيقول.. ارجو انكم تساعدونا وخلال سنة أو اتنين نكون خلصنا اللى بنتكلم فيه دلوقتى..
بنصلح أوضاع قديمة
الحكومة من لتجهيز محور فى منطقة الأمل تمت إزالة 2500 شقة وتوفير سكن بديل للسكان فى مشروع اهالينا 1 و 2 .. وتم استكماله بشكل كامل حتى جاردينيا والتجمع الأول وطريق السويس ..
احنا بنعمل الصح للناس .. وبنسكن الناس فى مكان مناسب وبنسعى لتوفير مكان يوفر لهم فرص عمل.. ودى تكاليف كبيرة علينا وعليكم.. دى فلوس المصريين.. بنقعد نصلح بها اوضاع قديمة خلال التطوير..
التعدي على الأراضى الزراعية
و تساءل ..عيب مين؟ يقولك المحليات مش قادرة ما هو السبق بتاع التعدى كبير ..تقول انت بتكرر الكلام .. بكرره علشان اسجل مواقف على نفسى وعلى والحكومة وعليكم لأن القضية مش بتاعتى لوحدى ولا الحكومة وحدها دى قضية دولة..
قضية المخلفات
المخلفات موضوع مشترك بين الدولة والمواطن..عمل المبانى المخططة ..و اقدر اعمل نظام صحى لإزالة المخلفات .. بقالنا 3 سنين نتفاوض مع شركات النظافة واتفقنا ..
لما جينا نتكلم مع الشركات والتنمية المحلية والبيئة عشان تعرض عليا الموضوع شفت حجم القضية..
الدولة بتجمع من المواطنين مقابل النظافة 800 مليون جنيه وتكلفته فى القاهرة فقط 2.5 مليار جنيه..
معندناش نظام فى المبانى هيبقى بكفاءة اعمال النظافة ومش هاتبقى بنفس المستوى.. كنت ماشى من كام يوم في محور الفريق العصار لقيت ناس رامية مخلفات فى نص الشارع ولما حطينا عربيات صغيرة الناس رفضت ان العربيات تبقى موجودة جنبهم طيب هنعمل إيه؟..
تطوير الريف المصرى
نريد تسليط الضوء على تطوير الريف في جرايدنا ومجلاتنا والتليفزيون ويكون فيه تغطية ليها.. خصوصا في الريف..
احنا نقدر نغير ظروفنا
ليه مش عاوزين تحلموا لبلدكم ولأنفسكم؟.. ليه راضيين بقالب طوب تحطوه وخلاص؟.. احنا نقدر نغير ظروفنا .. بدليل إننا بنقول لو دخلنا على قرية 100 بيت .. دور واحد .. نقدر نحسن ظروفهم ونطور منهم ذى النماذج دى .. هتساعدونا لتقديم ذلك؟..
تخطيط متكامل فى الدلتا وسينا
بالمناسبة فى الدلتا الجديدة وسيناء هناك تخطيط متكامل فى كل شئ بحيث تتواجد كل الخدمات.. لكن فى تلك المناطق نعالج أوضاع سابقة ولن تتعالج الا بتضافر الجهود ونكون مع بعض عشان نغير حياتنا وعشان نحقق حلمنا.. مش عاوزين تحلموا معايا ليه بس؟..
اتاحة شقق للمواطنين
الدولة تسعى لإتاحة شقق لاسكان للمواطنين فى نفس الوقت الذى تمنع فيه البناء على الاراضى الزراعية لنوفر البديل للمواطن ..لمنع المواطنين من البناء غير المخطط او الاراضى الزراعية .. اطلقنا مشروع للاسكان فى عواصم المحافظات من خلال البناء على الاراضى المتاحة للبناء عليها سواء اراضى الدولة او وزارات مثل قطاع الاعمال وغيرها ..و مثل الاراضى التى لم تعد تصلح انها تكون موجودة داخل الكتل السكانية.. وبالتالى يتم البناء عليها .. علشان مش هقول للمواطن مش هتبنى وأنا مش هوفر بديل ..
ننفذ 108الف وحدة سكنية
بننفذ 108 الف وحدة سكنية ضمن هذا المشروع.. وكل ما تتوفر اراضى سواء من المحافظة او غيره هنقدر نعمل الخطة على مستوى الدولة بالكامل..
حل مشكلة القمامة
ضرورة حل مشكلة المخلفات والقمامة ومواجهة البناء غير المخطط .. وحجم المخلفات يصل لـ 40 مليون طن ..واى قضية اتكلمنا فيها نهتم بها كدولة وحكومة ومواطنين .. ولا يمكن النجاح فيها الا اذا كنا جميعا مع بعضنا البعض..
نحتاج برنامج نظافة جيد
نحتاج لعمل برنامج نظافة كويس.. وسنواجه مشكلة البناء غير المخطط.. وفى هذه الحالة امامى خيارين .. يا اشوف واسكت.. يا اما اشوف واشتغل وأنا معرفش اسكت وانتوا متسكتوش ولازم احل القضية.. لان حجم المخلفات التى تصدت لها الحكومة فى الـ 3 سنين ماضية 2.8 مليون طن.. ودى مش قضية رئيس ولا حكومة بل دولة وناس..
يا جماعة فيه دولة فى العالم حجم مخلفاتها 2.8 مليون طن لا لازم نخلى بالنا من نفسنا شوية.. وإحنا بنحاول نصلح..
حجم المباني على الدائري
غير صخيحة
حجم المباني الموجودة بجانب الطريق الدائرى هائل وضخم جدا وكلها غير مخططة وغير صحية للمواطنين.
مواجهة البناء المخالف
الدولة تسعى لمواجهة البناء المخالف و عاوزين نغيرها وعندنا أكثر من مليون وحدة سكنية والوحدة السكنية اللى بتتعمل دى من أموال مصر.. محدش بيجيب حاجة.. دى من بلدنا.. وبالمناسبة نص مصر كده.. معرفشى بناخد بالنا من المشكلة ولا إيه؟
غرق مدينة الصف
غرق مدينة الصف بسبب امطار السنة الماضية كانت اراضى زراعية.. مش عملنا حاجة او مشروعات اسكان او غيرها على أرض زراعية.. وعملنا على ارض صحراوية فقط .. اوعى يكون الموضوع ده اهتمام الحكومة لو الرئيس فقط.. ينفع مش تحافظوا على الارض الزراعية الغالية بالطريقة دى.. وتسيبوا صحراء مفتوحة؟!..
لازم نشتغل على الأرض
الزراعية
اكثر من 90% من ارض مصر صحراء.. ورايحين تبنوا على الارض الزراعية اللى بتشتغلوا عليها؟!.. ينفع اسيب الارض الزراعية اللى هشتغل عليها وجاهزة بشكل كامل للزراعة.. لازم نشتغل على الأرض الصحراوية..
تطوير جسر السويس
بعض الأماكن دى على جسر السويس وكانت عبارة عن مزارع دواجن قديمة.. وكانت غير مستخدمة وقولنا هنستفيد بالاراضى اللى تبع الحكومة و المحافظة و الوزارات المختلفة لعمل مشاريع للناس تتضمن اسكان ومناطق حرفية لتحقيق العمل بجانب السكن..
