الشعر

هاتلي بيتي بتاع زمان.. بقلم الشاعرة نجوى عمار

اسنا بيتي بتاع زمان..
بيت حيطانه من أمان..
بيت بيضحك للي ماشي..
بيت كريم ملهوش ببان.

بيت حروفه من أصالة..
ود مفروش جوا صاله..
ليه بقينا ف يومنا عالة..
والكآبة ع الحيطان..؟!!

هات بيت مرسوم بيضحك..
مش بيوت بتجر شكلك.
البيوت صارت حزينة..
ماسكها فاسها.. تهد بأسك

هاتلي طيبة.. ليها غيبة.
في البيوت صارت غريبة
فين قلوب صافية وراضية..
فين قلوب هادية وحبيبة..؟!!

هاتلي بيت جدرانه طين..
مهما زقّت فيه سنين..
لسه فيه طبع الحياة..
راقة صحبة.. وراق حنين.

هاتلي بيت له حضن أمي
لمّا أبكي.. يبقى كُمّي.
الحياة ضاقت بناسها..
وأنا بيتي ما شالّلي همّي.

هاتلي ناس من عصر تاني..
هاتلي عمري الأولاني.
لو حأتقل يوم شوية..
هاتلي ضحكة مغلباني.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى