مفالات واراء حرة

مدحت محي الدين يكتب : التباعد والكمامة 

مدحت محي الدين يكتب : التباعد والكمامة

 

كمامة يعني نغطي الأنف و الفم، ليه؟ عشان الرذاذ اللي بيطلع من الفم من أهم الطرق اللي بتنقل العدوى، و الأنف مستقبل لكل أنواع العدوى،

تخيل معايا مكان مقفول أو إنك قاعد قصاد ناس قريبين منك قوي و حد مش باين عليه إنه مصاب بالفيروس ولا هو نفسه عارف إنه مصاب و فجأة غصب عنه عطس

و انت مش لابس كمامة، بسهولة الفيروس بيلاقي طريقه لجسمك إما عن طريق الأنف أو الفم أو العين، تخيل بقى لو لابس كمامة؛ يبقى قفلت في وش الفيروس الباب و الشباك، و جسمك هيقول لك “شكرا”.

الكمامة مش ديكور ولا حاطينها زينة فماينفعش حضرتك تبقى منزلها على دقنك و سايب أنفك و فمك مكشوفين، هى معمولة عشان تغطيهم فإلبسها صح….

من أهم طرق الوقاية برضو التباعد، يعني أخلي مسافة متر بيني و بين اللي جنبي أو اللي قدامي، تباعُد يعني مانعملش زحمة في أي مكان أو مصلحة،

لازم دايما نبقى في مكان فيه تهوية جيدة، و مفيش داعي للسلام بالإيد و الأحضان و القبلات، لو بتحبهم و يهمك أمرهم تباعَد، مش زمان قالوا “إبعد حبّة….تزيد محبة”.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى