عام

انا بنت افكارى  بقلم : ريم جابر

انا بنت افكارى 

بقلم : ريم جابر 

ودلوقتى قالوها اكابرهم اصاغرهم 

دى بنت جدعة ب100 راجل 

وتستاهل جميع الخير 

ضحكت والله بصوت عالى ايا خالى 

ماكانت لقمة عيشنا فى إيديك 

وبايدك رميتها يابوى للغير 

وإيه اتغير راجع تقولى دلوقتى 

             صباح الخير 

ودلوقتى ترجعوا تقولوا دى احسن ناس 

وفى الأصل القديم انتوا رخاص انجاس 

ولا بعتب ولا بكتب كلام ليكم 

عشان العيب كله مجاش فيكم 

العيب على زمن رخص الغاليين 

    وراح بالحظ الكبير ليكم 

ودى صدفة وانتوا مش كفىء لأى مجال 

دى مش تهمة دى كلمة حق مكتومة لازم تتقال 

عظيم الأصل علاكم بعد ماكنتم فى يوم لا شى 

ودلوقتى رجعتوا كما كنتم فى اصلكم لا شى 

ما هو العالى لو حده فى السماء

 كل مافى الأرض ميت وهو الحى 

وبتكلم على المعنى وعمره الردى

 ما هتجمعه الأيام أبدا معنا 

ومهما تقولوا وتجملوا بكلمتكم الصورة 

فات الوقت وخليتم ألف ضحكة 

فى قلوبنا مكسورة 

 كلامكم منكم ليكم 

ولا فارقة من غيركم ولا بيكم 

ويوم ما هكون 

 هكون انا بنت افكارى 

هكون لنفسي مش ليكم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى