الشعر

بتبص في مرايتها..بقلم الشاعر احمد عبيد

بتبص في مرايتها
فتعجبها صورتها
تسرح مع ألف حاجة
بكتها وضحكتها
إحساس أيام وعدت
وحاجات لازم تعيش
كلمة اتقالت ف لحظة
جواها ماتتنسيش
ودموع حضنت عينيها
وليالي مش بتنام
تسنى خيال مفارق
يقابلها في المنام
تحلم بإيدين تطبطب
وعليها تعتمد
وشعور برئ حنين
في حضنه تتسند
تفضل بنت الضفاير
بنوتة في العشرين
طفلة بتعشق جنانها
لو مهما تفوت سنين

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى