الشعر

بيك مغرم.. بقلم الشاعر صبرى السعدى

(بيك مغرم)

كنت قبلك

شايل أحزاني وأعاني

 الليل والآهات والهم

ومن عرفتك 

كبرت ابعيني الأماني

 وكل جرح

 عندي كبر شو گام يلتم

وين نلگه

 وين نلگه ابهالوكت

 واحد حنين او بيك يهتم

إمعدل إنته

 وكل معانيك حليوه 

إشلون

 لو شافك شخص مابيك يغرم

 ياخميلة رازقي 

والله يحتار اليصلها إمنين يشتم 

طيبتك عطر الخمايل

 بيها انواع الورد البيه نحلم

ريم انت

وإلي شافك بالفلا وماصاد يندم

كنت أحلم

بيك أحلم

شوگعد حضي ولگيتك

اوصلت الحد النبض 

عدنا تساوى

بالگلب بالروح بالدم

مثلك انت

وين نلگه ابهالوكت

واحد حنين وبيك يهتم

       صبري السعدي

           العراق

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى