مفالات واراء حرة

السعادةُ فى الرضا بالنصيبِ بقلمِ – محمد حمدى

السعادةُ فى الرضا بالنصيبِ

بقلمِ – محمد حمدى

أبو الدهب : “هى الدكتوراة اللى إنت أخدتها فى السويد كانت عن إيه ؟!”

د – نبيه : ” عن حل مشكلة العقم فى الرجالِ .”

أبو الدهب : “إزاى ؟!!”

د- نبيه : “شوف يا سيدى ، مشاكل العقم قد تكون عضوية ، ودى حلها سهل ، وقد تكون غير عضوية ، ودى حلها عندى …”

أبوالدهب : “هى دى مشكلتى ؛ بس إنت حلتها إزاى ؟!!”

د- نبيه : “عن طريقِ نقل جزء مِن الغدةِ النخامية ، مِن شخصِ بيخلفِ إلى شخصِ عقيم .”

عبد الحكيم : “أنا محامى ؛ واللى إنت بتقول عليه ده جريمة ، يحاسب عليها القانون المصرى !”

د- نبيه : “اسكت، يا أبو جهل !”

أبو الدهب : “بقى يبقى عندى الفلوس دى كلها ، ومعنديش عيل يورثنى !”

عبد الحكيم : “أستغفر الله العظيم ؛ دى قسمة ربنا، يا أبوالدهب ”

د- نبيه : “جريمة إيه ، يا جاهل ؟!”

عبدالحكيم : “وحرام ؛ لإن جسم الإنسان ملك الله ؛ ولايجوز نقل أى عضو مِن شخص إلى أخر …. ”

د- نبيه : “هو موش فيه نقل دم ؟!”

عبد الحكيم : “هو نقل الدم زى نقل حتة مِن غدةِ تحت المخ ،يا أبو قردان ؟!”

أبو الدهب : “سيب نبيه يكمل كلامه ،يا عبد الحكيم .”

د- نبيه : “أنا عملت تجربة ، ونقلت جزء مِن الغدة النخامية لقردِ بيخلفِ لقردِ عقيم كانت النتيجة ممتازة ؛ القرد العقيم بقى بيخلف بدون ضرر للقردِ السليم…”

عبد الحكيم : “لا حول ولاقوة إلا بالله ؛ هو القرد زى الإنسان، يا نبيه ، ربنا موزع نعمه على الناسِ ، لحكمةِ ، ربنا جعل اللى غنى وموش بيخلف واللى فقير وبيخلف ، واللى قوى وجبان ، واللى ضعيف وشجاع، واللى بيخلف بنات ، واللى بيخلف صبيان واللى بيخلف صبيان وبنات ….. ”

أبو الدهب : “طب إيه الحل، يا عبد الحكيم ؟!”

عبد الحكيم : “السعادة فى الرضا بالنصيبِ ، يا أبوالدهب ؛ إنت عندك فلوس وغيرك فقير ، والفقير بيخلف ، وانت موش بيتخلف ……فربنا موش بيدى كل النعم لناسِ؛ علشان الناس متتجبرشى..” .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى