الشعر

مصر امنا ..بقلم الشاعرة صفيه نصار

قصيدة بعنوان

مصر امنا

بقلم صفيه نصار

شاعرة الجنوب بنت النيل

ام القوافي

مصر امنا و وطن لينا كلنا

مصر حضن دايما بيضمنا

علي ارضها بنعيش وتحت

سماها حزن فرح بيجمع شملنا

والجار للجار نصارى و مسلمين

هأنعيد علي المسحيين اخواتنا

ونهني ونشارك فرحتهم هي فرحتنا

وده اقل واجب وحق و لازم نقول

للبعيد قبل اللي ساكن حتتنا 

كل سنة وانتوا دايما طيبين

الكنيسه أهي في حضن جامع

جرس وادان والعالم كله سامع

يارب ابعد عننا الفتن ما ظهر منها وما بطن

واكفينا شر كل حاسد واللي طامع 

واحفظنا واحمينا من الخاينين

طول عمرنا مع بعض متحابين

مفيش فرق بين دين ودين

الدين لله والوطن للجميع كلنا واحد

الأم حواء والأب آدم يعني اخوه يابني آدمين 

بنهني الأخوة الأقباط بعيدهم

كل سنة وانتم طيبين ومصر

كلها بخير مسلمين ومسيحيين

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى