Uncategorized

الغذا الطبيعى لا يُعلى عليه

بقلمِ -محمدحمدى
لينا :معقول هنفطر كُل يوم فول، وعسل ،و جبنة ، وخضروات ، يا مسعود !
مسعود : هو ده الفطار الصحى يا لينا ، دا الفول مِن عند عم بهلول ، دا أنا بقالى 30سنة بأكُل مِن عنده فول ؛علشان راجل نضيف ،وبيستخدم زِبدة فى القلىّ .
لينا :أنا عاوزة أفطر لانشون ،أو أى مُعلبات زى ما أنا كنت بأفطر فى بيت بابا….
مسعود : الأغذية الصِناعية كُلها مفيهاش ميلى جرام بروطين يا لينا ، أما الفول فيا عينى عليه كُله بروطين، ولو مُش مصدقانى إسألى حنفى !
لينا : بس الأغذية الصِناعية طعمها روعة، يا مسعود !
مسعود :طبعًا لازم يكون طعمها روعة ؛علشان الناس تشترى ،والشركات ،والمصانع تكسب!
لينا : طب إيه الحل يا مسعود؟
مسعود : نحاول مندخلشى بيتنا أكل صناعى ، ونتغذا غِذا طبيعى أحسن ؛علشان صحتنا تكون أحسن ،ولو كُل الناس عملت كِدا كتير مِن المُستثمرين مُش هِستثمروا فى الصِناعى ،وهيستثمروا فى الشئِ الصحى النافع زى الأراضى ،وتربية الحيوانات النافعة زى النحل ، والمواشى ، والطيور…
لينا : إنت هايل، يامسعود،بس مين يسمع الكلام المنطقى ده؟ !
مسعود : إحنا نبدأ النهاردة، وبُكرة حنفى يبدأ ،وبعده المعلم عكوه الجزار يبدأ…..وفى خِلال عشرين سنة هيبقى الطبيعى أكتر مِن الصناعى، والصحة هتبقى تمام ؛ دا الغذا الطبيعى لا يُعلى عليه .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى