انا زعلانه
بقلم .. جيهان موسى الصياد
زعلانه وقلبي بيوجعني
ومش عارفه اتحمل يا ناس تعبي
العالم كله سامع صوتي
وانا بصرخ وأبكي علي وطني
اللي كان فيه بيتي وابويا وامي
وانا عايشه وحيدة لوحدي
فين راحت فرحة قلبي
ده انا كنت بروح مدرستي
والعب واجري مع اصحابي
واتعلم واكتب عن وطني
اني ازاى افديه بدمي
انا عشت طفولتي مع اهلي
والبيت كان فيه كل العيله
وجيراني كمان كانو ا اهلي
وفي لحظة غدر وخيانه
مبقاش فيه بيتي ولا عيلتي
الكل راح مني وسابني
شهداء في الجنه وابرار
من الغزو ومن ضرب النار
وحرقوا حتي الأشجار
والأرض الخضراء
بقت صحراء
وانا عايشه حزينه لوحدي
وحياتي يا ناس بقت صعبه
والعالم كله بيسمعني
ولا فيهم حد بيرحمني
