انا طفل فقير كلماتى على بوح الصورة
بقلم الكاتبة والشاعرة جيهان موسي الصياد
ايوة انا فقير
طفل يتيم وكمان مسكين
نفسي اكون زي الاطفال التنين
البس لبس نضيف وجميل
واكل لحمه او حتي رغيف
نفسي افرح والعب واغنى
من العيد للعيد وانا مستنى
حد يحن عليا انا وامى
عمري ما دقت طعم اللحمة
ولا شايف امي بتطبخ طبخه
دايما اشوف الحله فاضيه
ولما انا واخواتي نجوع
مش بنلاقى رغيف العيش
الحال اتغير وبقينا في ضيقه
يا رب افرجها علينا
وابعت حد يحن علينا
رب الكون وصى علينا
قال اطعمو المسكين
ولا تقهرو اليتيم
نفسى الناس كلها تتغير
لما يشوفو فقير قدامهم
نظراتهم لينا بتكون صعبه
بيخافو حتي نقوم نلمسهم
وعلي طول الخوف بيبان فى عنيهم
ايوة انا فقير وهدومي قديمه
ومن فين راح اجيب هدوم جديدة
وانا مش لاقى لقمه اكلها
ده انا من جوعي بكلم نفسى
بحلم اني اشوف الفرخه
او حتى الاقى رجل الفرخه
انا فقير ونفسى عزيزة
لو مت انا عمري
ما اقول محتاج
ولا عمري هقول انا مش لاقى
اخري هعيط وهنام علي جوعى
واقول يارب انت ارحمنى
مستني اموت ياربى و تطعمنى
طالما الناس مبقتش تحس
بحد فقير مسكين مش لاقى
لو اللى معاه يساعد غيره
مش هيكون في بلدنا فقير
ولا مسكين مش لاقى القرش
اه يا زمان فيك العجب
الناس خلاص قلوبها حجر
ازاي بينامو وشايفين غيرهم
مش لاقين اكل ولا شرب
