بهدوء قصيدة لخالد الجمال من ديوان ( خارج الزمن )
بهدوء قصيدة لخالد الجمال من ديوان ( خارج الزمن )
بهدوء
قصيدة لخالد الجمال
من ديوان ( خارج الزمن )
……………………
بهدوء
يمكن يفهم
معني الكلمة
معني الحرف
صرخة أم
صرخة أب فينا تهد
كمل كمل
يمكن تبكي علينا بجد
هي دموعك دموح بتحس
تشعر بينا وتروي الخد
بنت فيينا خلاص نسيوها
ماتت يومها في حضن أبوها
فلوس تتعد وأيد تتمد
نسيوا سويسنا لما بعوها
مين يتكلم .؟
دبحوا حروف وناس بتسلم
تايهة ودايخة في فصول بايخة
صوت الموت بيقرب منا
في البلاعة الواد والبت
واللي سارقها أكيد معروف
ساكتين عنه لأ مش خوف
أصل أيديه مفتوحة سخية
أدي ديدان الأرض ماهية
واللي يموت مبقاش له دية
البلاعة فاتحة عينيها
بصوت مسموع بتقولك سد
أمتي ودانك ليها تمد
ولا عنيك ح تشوفها بجد
بقولك كمل كمل كمل
يمكن تبقي نائب يتأمل
ينسبي مصالحه الشخصية
نلقاه راجل مية المية
ولا قدمنا هيبقي هفية
وعنيه دايرة جوة مصانع
شايفة ولادنا أزاي بتصارع
أخر نقطة دم تغيتنا
ليه سواحلنا بقت محرومة
من مراكبنا المقبورة
وتبقي سويسنا مش في الصورة
شلة بترقص من حواليك
دايسة علينا وتضحك ليك
والتنسيق في الجامعة جريمة
ولادنا خلاص خارج التقسيمة
والله يا ناس فاض الكيل
دخلوا سويسنا زي السيل
دفنوا ولادنا جيل ورا جيل
أمتي يجي نائب يصالحنا
ويفتح قلبه ويريحنا
تأليف الأديب الشاعر والسيناريست خالد يس الجمال
من ديوان خارج الزمن تم إصداره ٢٠٢٠ م
